રોજ કમર પર ટાઈટ બેલ્ટ બાંધવાની આદતથી ન માત્ર શરીરને નુકસાન પહોંચે છે પણ ઘણીવાર તે જીવલેણ પણ સાબિત થઈ શકે છે. આ આદતથી પેટની બીમારીઓ તો વધે જ છે સાથે જ ગળાનું કેન્સર થવાની સંભાવના પણ વધી જાય છે. જો તમે પણ રોજ ટાઈટ બેલ્ટ બાંધો છો તો ઈન્ફર્ટિલિટી અને સ્પર્ટ કાઉન્ટ ઘટાવાનો ખતરો પણ વધી શકે છે. જાણો નુકસાન.
પુરૂષોએ બેલ્ટ બાંધવામાં રાખવું ધ્યાન
ટાઈટ બેલ્ટ બાંધતા પુરૂષો ચેતી જજો
થઈ શકે છે આવી ખતરનાક સમસ્યાઓ
પેટના સ્નાયુઓ દબાય છે
કોરિયાની એક રિસર્ચ મુજબ કમર પર ટાઈટ બેલ્ટ બાંધવાથી એબ્ડોમિનલ મસલ્સ એટલે કે પેટની માસપેશીઓની કામ કરવાની રીત બદલાય જાય છે. આખો દિવસ પેટના સ્નાયુ દબાયેલા રહે છે. આવું લાંબા સમય સુધી રહેવા પર પેલ્વિક રીજનથી નીકળતી આર્ટરી, વેન્સ, મસલ્સ અને આંતરડા પર પ્રેશર પડે છે.
કરોડરજ્જૂ અકડાઈ જાય છે
લાંબા સમય સુધી ટાઈટ બેલ્ટ બાંધવાથી કરોડરજ્જૂ અકડાઈ જવાની સમસ્યા વધી જાય છે. સેન્ટર ઓફ ગ્રેવિટીમાં બદલાવ આવવાને કારણે ઘૂંટણના સાંધા પર દબાણ વધે છે, જેના કારણે સાંધામાં દર્દ પણ થવા લાગે છે. એક્સપર્ટ મુજબ કમર પર ટાઈટ બેલ્ટ બાંધવાથી કરોડરજ્જૂના હાડકાં અને સાંધામાં દુખાવો શરૂ થઈ જાય છે. જેથી સંભવ હોય તો બેલ્ટ ન પહેરવું અથવા લૂઝ રાખવું.
ઈન્ફર્ટિલિટીનો ખતરો
આખો દિવસ ટાઈટ બેલ્ટ બાંધીને રાખવાથી પુરૂષોમાં સ્પર્મ કાઉન્ટમાં કમી આવે છે. જેના કારણે પુરૂષોમાં સેક્સુઅલ પાવર ઘટવાની સંભાવના વધી જાય છે.
ગળાના કેન્સરનો ખતરો
એક સ્કોટિશ શોધ અનુસાર, જે વ્યક્તિ જાડો હોય અને બેસ્ટ ટાઈટ બાંધે છે તો તેના પેટ અને ભોજનની નળીની વચ્ચેના વાલ્વ પર દબાણ વધવા લાગે છે. આવા લોકોને એસિડ રિફલક્સ જેવી સમસ્યા થવા લાગે છે. જેના કારણે પેટનું એસિડ ઉપર આવે છે અને તેના કારણે ગળાની કોશિકાઓ નષ્ટ થાય છે. આ કોશિકાઓ નષ્ટ થઈને કેન્સરનું રૂપ લઈ લે છે.