વડોદરાના નિઝામપુરા વિસ્તારમાં પુર ઝડપે આવતી કાર ફુટપાથ પર ચઢી આવી હોવાની માહિતી પ્રાપ્ત થઇ રહી છે. કાર ચાલકે સ્ટિંયરીંગ પર કાબૂ ગુમાવતા આ અકસ્માત સર્જાયો હોવાની માહિતી મળી છે.
મળતી માહિતી અનુસાર વડોદરામાં નિઝામપુર વિસ્તારમાં પુર ઝડપે આવતી કારે ફુટપાથ પર ચઢાવીને ફ્રુટ અને સાયકલ ચાલકને અડફેટે લીધા હતા. આ ઘટના સર્જાતા 2 વ્યક્તિ ઈજાગ્રસ્ત થયા છે. આ ઘટના બાદ ઈજાગ્રસ્ત લોકોને સારવાર માટે હોસ્પિટલ ખસેડવામાં આવ્યા.
જો કે આ ઘટનાની જાણ થતા પોલીસના અધિકારીઓ ઘટના સ્થળે પહોંચ્યા છે. ત્યારે હવે પોલીસે અકસ્માતનો ગુનો નોંધી આગળની કાર્યવાહી શરૂ કરી છે.