પીએમ મોદી હ્યુસ્ટન પહોંચી ચૂક્યા છે ત્યારે થોડા સમયમાં જ પીએમ મોદી અમેરિકાના ટેક્સાસમાં હ્યુસ્ટનમાં 50000થી વધુ ભારતીય અમેરિકીઓને સંબોધશે. આ સમયે તેમની સાથે કાર્યક્રમમાં ડોનાલ્ડ ટ્રંપ પણ હાજર રહેશે. આ પહેલો અવસર હશે જ્યાં પીએમ મોદી અને ટ્રંપ એક મંચ પર સાથે હશે.
NRGની ગણતરી અમેરિકાના સૌથી મોટા સ્ટેડિયમમાં કરવામાં આવે છે
આ સ્ટેડિયમના નિર્માણમાં 352 મિલિયન ડોલર ખર્ચ થયો હતો
સ્ટેડિયમમાં દર વર્ષે રગ્બી અને ફૂટબોલ ટૂર્નામેન્ટ યોજાય છે
રવિવારે ભારતીય સમયાનુસાર રાતે 8 વાગે આ કાર્યક્રમથી ભારત - અમેરિકાના સંબંધો મજબૂત બનવાની શક્યતા વધી રહી છે. રાજકીય રીતે પણ આ કાર્યક્રમને ખાસ ગણવામાં આવી રહ્યો છે.
ઐતિહાસિક રીતે પણ મહત્વનું છે NRG સ્ટેડિયમ
ઐતિહાસિક આયોજનોને માટે હ્યુસ્ટનના NRG સ્ટેડિયમનો ઉપયોગ કરવામાં આવે છે. અહીં એક્ઝીબિશન, સંગીત કાર્યક્રમ અને અનેક સ્પર્ધાઓનું આયોજન કરવામાં આવે છે. U2, બેયોન્સ, ટેલર સ્વિફ્ટ, ગન્સ એન રોજેજ, મેટાલિકા જેવા અનેક બ્લોકબસ્ટર ઈવેન્ટ્સ પણ અહીં થઈ હતી.
Texas is all set to welcome Prime Minister @narendramodi ji on sunday. Picture of The NRG Stadium in Houston - the venue of the #HowdyModi event. Over 50,000 people have registered for the event. pic.twitter.com/U2ijKeOXrQ
NRGની ગણતરી અમેરિકાના સૌથી મોટા સ્ટેડિયમમાં કરવામાં આવે છે. 1,25, 000 વર્ગફૂટમાં ફેલાયેલા આ સ્ટેડિયમને 2002થી 2014 સુધી રિલાયંટ સ્ટેડિયમના નામે ઓળખવામાં આવતું હતું. પણ તેના નિર્માણમાં 352 મિલિયન ડોલર ખર્ચ થયો અને પછી તે NRGના નામે ઓળખાવવા લાગ્યું.
યુએસના ખાસ ફૂટબોલ સ્ટેડિયમમાં ગણાનારું NRG સ્ટેડિયમમાં 71,995 લોકોના બેસવાની વ્યવસ્થા છે. તેની મોટી ખાસિયત તેની છત છે. જે 79 મીટરની ઉંચાઈએ છે.
રિટ્રેક્ટેબલ ફેસિલિટી સાથે આ અમેરિકાનું પહેલું સ્ટેડિયમ છે જેની છતને ખોલી શકાય છે અને બંધ પણ કરી શકાય છે. આ ખાસિયતના કારણે આ સ્ટેડિયમને કોઈ પણ સીઝનમાં વાપરી શકાય છે.
આ સ્ટેડિયમમાં દર વર્ષે ટેક્સાસની સૌથી મોટી ફૂટબોલ ટૂર્નામેન્ટનું આયોજન કરવામાં આવે છે. તે સિવાય આ સ્ટેડિયમમાં દર વર્ષે રગ્બી અને ફૂટબોલ ટૂર્નામેન્ટ પણ યોજાય છે.
22 સપ્ટેમ્બર એટલે કે આજે થનારા હાઉડી મોદી કાર્યક્રમને માટે એક વિશાળ મંચ બનાવવામાં આવ્યો છે. આ મંચથી મોદી અને ટ્રંપ ઉપસ્થિત લોકોને સંબોધિત કરશે. પીએમ મોદી અને ટ્રંપના સ્વાગત માટે સાંસ્કૃતિક કાર્યક્રમો પણ યોજાશે. જે ભારતીય સમુદાયની તરફથી આયોજિત કરાશે.