કાશ્મીર ખીણમાં આંતકીઓ વિરુદ્ધ સંયુક્ત અભિયાન ચલાવવા માટે ત્રણેય સેનાઓ, આર્મી, નેવી અને એર ફોર્સના સ્પેશિયલ ફોર્સને તહેનાત કરવામાં આવી રહ્યા છે. આ ઓપરેશનમાં ત્રણેય સેનાઓના પેરા-સ્પેશિયલ ફોર્સિઝ, નેવીના મરીન કમાન્ડોઝ એટલે કે મારકોસ અને એર ફોર્સના ગરુડ સ્પેશિયલ ફોર્સને તહેનાત કરવામાં આવી રહ્યા છે.
કાશ્મીરમાં આંતકીઓ વિરુદ્ધ સંયુક્ત અભિયાન માટે આર્મી-નેવી અને એર ફોર્સની સ્પેશિયલ ફોર્સને તહેનાત કરાશે
ત્રણેય સેનાઓને આર્મ્ડ ફોર્સિઝ સ્પેશિયલ ઓપરેશન્સ ડિવિઝન હેઠળ તહેનાત કરાશે
નેવીના માર્કોસ અને IAFની ગરુડની નાની-નાની ટીમ કાશ્મીર ખીણમાં ઓપરેટ કરી રહી છે
તેમને રક્ષા મંત્રાલયના નવગઠિત આર્મ્ડ ફોર્સિઝ સ્પેશિયલ ઓપરેશન્સ ડિવિઝન ( AFSPDK ) હેઠળ તહેનાત કરવામાં આવી રહ્યા છે.
આર્મીના સ્પેશિયલ ફોર્સ તહેનાત
ANI મુજબ, સૂત્રોનો દાવો છે કે, શ્રીનગર નજીક આંતકીના હોટબેડ માનવામાં આવતા વિસ્તારમાં પેરા-સ્પેશિયલ ફોર્સિઝને પહેલા જ તહેનાત કરી દેવાઇ છે. તેઓએ જણાવ્યું કે જલ્દી જ માર્કોસ અને ગરુડને આતંક વિરોધી અભિયાનમાં તહેનાત કરવામાં આવશે. નેવીના માર્કોસ અને IAFની ગરુડની નાની-નાની ટીમ કાશ્મીર ખીણમાં ઓપરેટ કરી રહી છે. પરંતુ એવુ પહેવી વાર બન્યું છે કે જ્યારે ત્રણેય સેનાઓ સંયુક્ત અભિયાન ચલાવી રહી હોય.
માર્કોસને વુલર ઝીલ વિસ્તારમાં તહેનાત કરવામાં આવી રહી છે. જ્યારે ગરુડની ટીમને લોલાબ અને હાજિનમાં તહેનાત કરવામાં આવી રહ્યા છે. નોંધનીય છે કે, એર ફોર્સ સ્પેશિયલ ફોર્સિઝનું કાશ્મીર ખીણમાં અભિયાન ઘણુ સફળ રહ્યું છે.
કાશ્મીર ખીણમાં સંયુક્ત ટીમને તહેનાત કરવાનો અર્થ છે કે, તેમને રિયલ ઓપરેશન્સમાં સાથે કામ કરવાનો અનુભવ આપવાનો છે. નોંધનીય છે કે, AFSPDએ અલગ-અલગ વિસ્તારમાં પહેલા પણ બે અભ્યાસ કર્યા છે.