અમદાવાદમાં ટ્રાફિક પોલીસે શરુ કરી ખાસ ડ્રાઇવ, આજથી એક સપ્તાહ સુધી ચાલશે ટ્રાફિક ડ્રાઇવ
આજથી અમદાવાદ ટ્રાફિક પોલીસની ડ્રાઈવ
12 મે સુધી ચાલશે ટ્રાફિક પોલીસની ડ્રાઈવ
ડાર્ક ફિલ્મ વાહન ચાલકો સામે થશે કાર્યવાહી
શહેરમાં ટ્રાફિકની સમસ્યા વધી રહી છે. ટ્રાફિક પોલીસ દ્વારા ટ્રાફિકના નિયમોનું પાલન કરાવવામાં કડક પગલા ભરી રહી છે. પહેલા હેલમેટ ફરજિયાત પહેરવાના નિયમ અંગે પોલીસે ટ્રાફિક ડ્રાઇવ યોજી હતી. ત્યારે હવે વધુ એકવાર ટ્રાફિક ડ્રાઇવ અમદાવાદ આજથી શરુ થઇ છે.
આજથી એક સપ્તાહ સુધી ખાસ ટ્રાફિક ડ્રાઇવ
જી હા, આજકાલ આપણે જોઇએ છીએ કે રોડ રસ્તા પર લોકો સ્પોર્ટ્સ બાઇક લઇને એવો રોફ ઝાડે છે કે જાણે રેસમાં ઉતર્યા હતા. સાયલેન્સરના ધડાકાભેર અવાજ સાથે છૂ થઇ જનારા આવા બાઇકચાલકો સામે ટ્રાફિક પોલીસે લાલઆંખ કરી છે. કારણ કે આજથી અમદાવાદ ટ્રાફિક પોલીસે એક ડ્રાઇવ શરુ કરી છે જેમાં મોડીફાઇડ સાયલેન્સર વાળા વાહનો અને ડાર્ક ફિલ્મ ધરાવતા વાહનો સામે કડક કાર્યવાહી કરવામાં આવશે.
અમદાવાદ પોલીસે ટ્વિટ કરીને આપી જાણકારી
આ અંગે અમદાવાદ પોલીસે ટ્વિટ કરીને જાણકારી આપતા જણાવ્યું છે કે 12 મે સુધી આ ડ્રાઇવ ચાલશે. એક સપ્તાહમાં ટ્રાફિક પોલીસ દ્વારા ડાર્ક ફિલ્મ અને મોડિફાઇડ સાયલેન્સર મામલે કડક ચેકિંગ કરવામાં આવશે. જો કોઇ કાયદાનો ભંગ કરતુ જણાશે તો તેની સામે કડક કાર્યવાહી કરવામાં આવશે. મહત્વનું છે કે રેસ બાઇક જેવા મોડીફાઇડ સાયલેન્સરને કારણે ધ્વનિ પ્રદૂષણ તો થાય છે જ પરંતુ ફુલ સ્પીડમાં બાઇક ચલાવવાને કારણે ઘણી વાર અકસ્માતના બનાવો પણ બને છે. વળી બ્લેક ફિલમ કાર પર લગાવવી ગેરકાયદેસર છે તેમ છતાં ઘણી કારમાં બ્લેક ફિલ્મ લગાડેલી જોવા મળે છે.
અમદાવાદ ટ્રાફિક પોલીસની ડ્રાઈવ
12 મે સુધી ચાલશે ટ્રાફિક પોલીસની ડ્રાઈવ
ડાર્ક ફિલ્મ વાહન ચાલકો સામે થશે કાર્યવાહી
મોડીફાય સાયલેન્સર વાળા વાહનચાલકો સામે થશે કાર્યવાહી#ahmedabadpolice
— Ahmedabad Police 👮♀️અમદાવાદ પોલીસ (@AhmedabadPolice) May 6, 2022
બ્લેક ફિલ્મ લગાડવી ગેરકાયદેસર
મહત્વનું છે કે ઉનાળો આવતાની સાથે કારમાં વધારે ઠંડક રહે તે માટે તેના વાહનોના નિયમોની વિરુદ્ધમાં કાળા રંગના કાચ કરી દેવામાં આવતા હોય છે. પરંતુ આ પ્રકારને નિયમોનો ભંગ કરતા લોકો સામે અમદાવાદ ટ્રાફિક પોલીસ દ્વારા કડક કાર્યવાહી કરવામાં આવશે. વાહનની અંદર કશું દેખાય નહીં એવી એકદમ કાળી ફિલ્મો લગાવવાની મનાઈ એટલા માટે છે કે આ પ્રકારની ફિલ્મો લગાવવાથી કારની અંદર કોઈ ગેરકાયદેસર કામ થતું હોય તો તેના પર નજર રાખવી મુશ્કેલ થઈ જાય છે.