ટીચર્સ ડે નો મૌકો મળતા જ એવા શિષ્યો છે જેમણે પોત-પોતાના ગુરુઓને સ્પેશિયલ ગિફ્ટ આપી છે.
કોઇએ કાર તો કોઇએ ફ્લેટ ગિફ્ટ કર્યો હોય. એટલુ જ નહી, જ્યારે ગુરુએ વર્લ્ડ કપ માંગ્યો તો ધોનીએ તે પણ જીતીને આપી દીધો. જાણો ક્યા ક્રિકેટર્સ શું આપ્યુ છે પોતાના ગુરુઓને....
મહાન ક્રિકેટરોની વાત કરવામાં આવે તો સૌથી પહેલા સચિન તેંડુલકરની વાત આવે. સચિન તેંડુલકરને કોચ રમાકાંત આચરેકરે ક્રિકેટનો ક્કકો શીખવાડ્યો. સચિને ઘણી વખત પોતાના કોચને યાદ કર્યા. સચિને જણાવ્યુ હતુ કે, કોચ આચરેકર સર એ ક્યારેય પણ 'વેલ પ્લેડ' પણ કહ્યુ ન હતુ. જ્યારે સચિનને ભારત રત્ન મળ્યો ત્યારે તે આ એવોર્ડ લઇને પોતાના કોચ પાસે ગયો હતો.
ભારતીય ઑલરાઉન્ડર હાર્દિક પંડ્યાએ પોતાના બાળપણના કોચ જિતેન્દ્ર સિંહને એક શાનદાર કાર ગિફ્ટ કરી હતી. વર્ષ 2016માં ઓસ્ટ્રેલિયા પ્રવાસ પરથી પરત ફર્યા પછી હાર્દિક પોતાના કોચની એકેડમી ગયો હતો, જે પછી તે અને તેનો ભાઇ ક્રૂણાલ તેમણે એક કારના શો રૂમમાં લઇ ગયા, ત્યાં તેમણે ગિફ્ટમાં કાર આપી.
મહેન્દ્ર સુંહ ધોનીની સ્કૂલના કોચ રહેલા કેશન બેનર્જીને ખૂબ જ સાધારણ જીવન જીવે છે. જ્યારે ધોની તેમણે મળે છે ત્યારે તેમના પગે ચોક્કસથી લાગે છે. કેશવે પોતાના શિષ્ય પાસેથી એક વસ્તુ માંગી હતી અને તે પણ વર્લ્ડ કપ. ધોનીએ આ ઇચ્છા પૂરી કરી. ધોનીએ પોતાની કેપ્ટન્સીમાં ટીમ ઇન્ડિયાને વર્ષ 2011માં વનડે ફોર્મેટમાં વર્લ્ડ ચેમ્પિયન બનાવી હતી.
ટીમ ઇન્ડિયાના કેપ્ટન વિરાટ કોહલી પોતાના બાળપણ કોચ રાજકુમાર શર્માની સાથે ઘણી વખત જોવા મળે છે. વિરાટે વર્ષ 2014માં પોતાના કોચએ એક સ્કોડાની ગાડી આપી હતી. રમત પત્રકાર વિજય લોકપલ્લીના પુસ્તકમાં પણ આ વાતનો ઉલ્લેખ કરવામાં આવ્યો છે કે કેવી રીતે વિરાટના ભાઇ વિકાસ કોહલીએ તેની ગિફ્ટ કોચ સુધી પહોંચાડી હતી.
પૂર્વ ભારતીય ફાસ્ટ બૉલર આશિષ નહેરા ઘણા લાંબા સમય સુધી સોનેટ ક્લબથી જોડાયેલો રહ્યો, ત્યારે ક્રિકેટના કોચ તારક સિન્હા હતા. તારક સિન્હા પોતાનું ઘર બદલવા ઇચ્છતા હતા પરંતુ કોઇ સારું ઘર મળી રહ્યુ ન હતુ, એવામાં શિષ્ય આશિષ નહેરા આગળ આવ્યા અને પોતાના ગુરુ તારક સિન્હાને 2BHK ફ્લેટ ગિફ્ટમાં આપ્યો. તમને જણાવી દઇએ કે, આશિષ નહેરાના કોચ સોનેટ ક્લબમાં આવનારા બાળકો પાસે શરૂઆતમાં ફી લેતા ન હતા.