મનોરંજન / અમદાવાદમાં PM મોદી સામે જુબિનના ધમાકેદાર પફોર્મન્સ પહેલા VTV ગુજરાતી સાથે ખાસ વાતચીત

• અમદાવાદમાં અમૃત મહોત્સવ 
• PM મોદી રહ્યાં હતા હાજર 
• બોલિવૂડ સેલેબ્સે કરી VTV ગુજરાતી સાથે વાતચીત

અનુપમ ખેર ઉપસ્થિત 
અમૃત મહોત્સમાં બોલિવૂડ અભિનેતા અનુપમ ખેર પણ ઉપસ્થિત રહ્યાં હતા. આ પ્રસંગે તેમણે VTV સાથે ખાસ વાતચીતમાં જણાવ્યું કે આજે હું એક્ટર તરીકે નહીં ભારતીય નાગરિક તરીકે આવ્યો છું.

એક્ટરે ઇતિહાસ વિશે પણ વાતો કરી હતી. તેમણે કહ્યું કે, ઇતિહાસના ધરોહરની જાળવણી જરૂરી છે. ગાંધીજીને યાદ કરતા તેમણે વધુમાં કહ્યું કે, ગાંધી વિચારથી એક ઉદ્દેશ્ય શીખવા મળ્યો કે સંયમ જરૂરી છે.

જુબિનનું પફોર્મન્સ 

બોલીવૂડના જાણીતા ગાયક જુબિન નોટિયાલ પણ અમૃત મહોત્સવ સમારોહમાં જોડાયા હતા. જુબિન નોટિયાલે સમારોહમાં દેશભક્તિનું ગીત રજૂ કર્યુ હતું. VTV NEWS સાથે ઝુબિન નોટિયાલે ખાસ વાતચીત કરી હતી.

જુબિને જણાવ્યુ હતું કે યુવાનોએ ગાંધીજીને ખાસ જાણવા જોઇએ. તેમણે વધુમાં જણાવ્યુ હતું કેમ મને બાપુના આશ્રમ જઈને સત્યના પાઠ શીખવા મળ્યા છે.

ગુજરાત, ગાંધીજી અને દાંડીયાત્રા. આ ત્રણનો સંગમ અને એ ઐતિહાસીક ઘટના વિશે ગુજરાતી તરીકે જાણવું જ જોઈએ.

શું હતી એ દાંડી યાત્રા?

• મીઠું બનાવવા પર લાગેલા પ્રતિબંધના વિરોધમાં કરવામાં આવી હતી યાત્રા
• મહાત્મા ગાંધીએ 12 માર્ચ 1930ના દિવસે સાબરમતી આશ્રમથી દાંડી સુધી કરી યાત્રા
• ગાંધીજી અને તેમના અનુયાયીઓ 25 દિવસ બાદ 241 માઈલનું અંતર કાપી 5 એપ્રિલે દાંડી પહોચ્યાં હતા
• દાંડીયાત્રાને મીઠાના સત્યાગ્રહના નામથી પણ ઓળખવામાં આવે છે
• ગાંધીજીએ દાંડી પહોંચી ચપટી મીઠું હાથમાં લઈ મીઠાના કાયદાનો ભંગ કર્યો 
• મીઠાના સત્યાગ્રહને કારણે દેશમાં સ્વતંત્રતા સંગ્રામમાં એક નવો સંચાર થયો હતો
• 12 માર્ચ 1930ના દિવસને આઝાદીની ચળવળની દિશા બદલી નાખનાર ઐતિહાસિક દિવસ માનવામાં આવે છે
• ગાંધીજીની દાંડી યાત્રાથી આખી અંગ્રેજ સન્તલત હચમચી ગઈ હતી
• દાંડી યાત્રા દરમિયાન બાપુ કરાડી ગામે ઘાસ અને ખજૂરીનાં પાંદડાંની સાવ સાદી ઝૂંપડીમાં 22 દિવસ રોકાયા હતા
• નવસારી પાસે હાંસાપોર ફાટકે અંગ્રેજોએ અડધી રાતે ટ્રેન રોકાવી હતી
• ગાંધીજી દાંડી આવ્યા ત્યારે તેઓ વ્હોરા સમાજના 51મા ધર્મગુરુ સૈયદના તાહેર સૈફુદ્દીનસાહેબના ઘરે રોકાયા હતા
• ટાઈમ પત્રિકાએ 31 માર્ચના અંકમાં ગાંધીજીની તસ્વીર છાપી હતી
• મીઠાના સત્યાગ્રહ દરમિયાન લગભગ 60 હજાર ભારતીયોને જેલમાં પુરાયા હતા