વાયરલ / ગ્રેજ્યુઅટ મજૂર સડસડાટ ઇંગ્લિશમાં બોલ્યો, મોદી સરકાર I want work

ચૂંટણી ઇન્ટરવ્યૂ કરતાં એક બિહારી મજૂર એવું કડકડાટ અંગ્રેજી બોલવા લાગ્યો કે, રિપોર્ટર સહિત આજુ બાજુ ઉભેલા લોકો પણ સ્તબ્ધ થઇ ગયા. અંગ્રેજીમાં ક્યાય બ્રેક લીધા વગત તે બોલ્યો કે, આઇ નીડ વર્ક, સે પીએમ ટૂ અલાઉ વર્ક(મને નોકરીની જરૂરત છે તમે પીએમ મોદીને કહો કે તે અમારા જેવાને રોજગારી અપાવે) મજૂરની આવી કડકડાટ અંગ્રેજી સાંભળી આજુ બાજુ ઉભેલા લોકોએ તાળીઓના ગડગડાટથી તેને વધાવી લીધો. 
 

આ ઘટનાનો એક વિડિયો પણ સામે આવ્યો છે. જે સોશિયલ મિડિયામાં ખૂબ વાયરલ થઇ રહ્યો છે. લોકો તેની અંગ્રેજી સાંભળીને વધુ શેયર કરી રહ્યા છે. રિપોર્ટર અગામી ચૂંટણીને લઇને ગૈતમબુદ્દ નગરના લોકોની સમસ્યા જાણતા હતા, જ્યાં દુર ઉભેલા એક મજૂર ભીડને ચીરીને આગળ આવ્યો અને અંગ્રેજીમાં રિપોર્ટરના પ્રશ્નોના જવાબ આપવા માંડ્યો. તે બિહારી મજૂર બોલ્યો કે, અરે સાહેબ કામ-ધંધો કઇ નથી, બેરોજગાર છીએ, ભૂખ્યાપેટે ઊંઘવાનો વારો આવે છે. મોદી સરકાર રોજગારીનો કઇ ઉપાય નથી કરતી.