ચોમાસુ સત્ર પહેલા લોકસભા સચિવાલય દ્વારા સંસદના બંને ગૃહોમાં કેટલાક શબ્દો પર પ્રતિબંધ મુકવામાં આવ્યો છે, જેથી લોકસભા અને રાજ્યસભામાં આ શબ્દોનો ઉપયોગ ગેરવર્તન ગણાશે.
સંસદના બંને ગૃહોમાં કેટલાક શબ્દો પર પ્રતિબંધ મુકવામાં આવ્યો
અસંસદીય શબ્દો માત્ર એક પ્રક્રિયા હેઠળ દૂર કરવામાં આવ્યા છે
આ અંગે વિપક્ષે સરકાર પર નિશાન સાધ્યું
ચોમાસુ સત્ર પહેલા લોકસભા સચિવાલય દ્વારા સંસદના બંને ગૃહોમાં કેટલાક શબ્દો પર પ્રતિબંધ મુકવામાં આવ્યો છે. જેમાં બાળ બુદ્ધિ સાંસદ, શકુની, જયચંદ, લોલીપોપ, ચાંડાલ ચોકડી, સરમુખત્યાર જેવા શબ્દોનો સમાવેશ થાય છે, જે સાંસદો તેમના સંબોધનમાં ઉપયોગ કરી શકશે નહીં. આ શબ્દોને બિનસંસદીય જાહેર કરવામાં આવ્યા છે. હવે લોકસભા સચિવાલયની આ માર્ગદર્શિકા પર વિપક્ષની પ્રતિક્રિયા આવી છે. આ અંગે વિપક્ષે સરકાર પર નિશાન સાધ્યું છે.
અસંસદીય શબ્દો નહી બોલાય સંસદમાં
લોકસભાના સ્પીકર ઓમ બિરલાએ કહ્યું કે સંસદમાંથી કોઈ પણ શબ્દો પર પ્રતિબંધ મૂકવામાં આવ્યો નથી. વિપક્ષના વિરોધ પર, તેમણે કહ્યું કે "અસંસદીય શબ્દો" માત્ર એક પ્રક્રિયા હેઠળ દૂર કરવામાં આવ્યા છે અને કોઈ પ્રતિબંધ લગાવવામાં આવ્યો નથી. તેમણે વિપક્ષી પાર્ટીઓને સલાહ આપી હતી કે તેઓ આ મામલે "ભ્રામક" પ્રચાર ન કરે. વધુમાં કહ્યું કે "અસંસદીય શબ્દોને હટાવવાની પ્રક્રિયા આજની નથી, પરંતુ તેના શબ્દો પહેલા પણ હટાવવામાં આવ્યા છે અને આ પ્રક્રિયા 1959થી ચાલી રહી છે. કોંગ્રેસ અને તૃણમૂલ કોંગ્રેસે સંસદમાં અમુક શબ્દોના ઉપયોગ પર "ગેગ ઓર્ડર" ની નિંદા કરી અને કહ્યું કે મોદી સરકારનું વર્ણન કરવા માટે વપરાતા તમામ શબ્દો હવે "અસંસદીય" તરીકે ગણવામાં આવશે. આ પગલાની ટીકા કરતા કોંગ્રેસના મહાસચિવ જયરામ રમેશે કહ્યું, કે "મોદી સરકારની વાસ્તવિકતા વર્ણવવા માટે વિપક્ષ દ્વારા ઉપયોગમાં લેવાતા તમામ શબ્દોને હવે 'અસંસદીય' તરીકે ગણવામાં આવશે.
કેવા શબ્દોનો ઉપયોગ ગેરવર્તન ગણાશે?
સંસદના ચોમાસુ સત્ર પહેલા અસંસદીય શબ્દોની યાદી જાહેર લોકસભા અને રાજ્યસભામાં આ શબ્દોનો ઉપયોગ ગેરવર્તન ગણાશે. જુમલાજીવી, બાળકની બુદ્ધિ, સ્નૂપગેટ જેવા શબ્દોના ઉપયોગ પર પ્રતિબંધ. શરમ, દુર્વ્યવહાર, વિશ્વાસઘાત જેવા શબ્દો નહીં બોલી શકાય, ભ્રષ્ટ, નાટક, દંભી જેવા શબ્દો પણ બિનસંસદીય ગણાશે, શકુની, લોલીપોપ, ચંડાલ ચોકડી, ગુલ ખિલાયે શબ્દો બિનસંસદીય ગણાશે