લગ્નનાં દિવસે સ્ટંટ કરવું દુલ્હનને ભારે પડ્યું. VIDEOમાં જુઓ કે કેવી રીતે સ્પાર્કલ ગનને લઈને કપલ પોઝ આપી રહ્યું હતું અને અચાનક દુલ્હને ચીસ પાડી!
લગ્નનાં દિવસે સ્ટંટ પડ્યો ભારે
કપલ સ્પાર્કલ ગનથી આપી રહ્યું હતું પોઝ
ગનમાં બ્લાસ્ટ થતાં દુલ્હન સાથે બની દુર્ઘટના
પોતાના લગ્નને શાનદાર બનાવવા માટે આજકાલ કપલ અનેક નવા કરતૂત કરતાં હોય છે. ત્યારે એક કપલ પોતાના લગ્નનાં શુભ પ્રસંગે સ્પાર્કલ ગનથી પોઝ આપી રહ્યું હતું. આ વાયરલ વીડિયોમાં સાબિત થયું કે હંમેશા સ્ટંટ કરવું સુરક્ષિત હોય નહીં. કપલનાં પોઝની વચ્ચે અચાનક જ દુલ્હને ચીસ પાડી અને સૌ લોકો એકઠાં થઈ ગયાં.
જુઓ વીડિયો
Idk what's wrong with people these days they are treating wedding days more like parties and this is how they ruin their perfect day. 🤷♀️ pic.twitter.com/5o626gUTxY
વીડિયોમાં જોઈ શકો છો કે કપલ સ્પાર્કલ ગન લઈને પોઝ આપી રહ્યાં છે. બંને કેમેરાની સામે જોઈને સ્મિત આપે છે અને પોતાની બંદૂકથી ફાયર કરે છે જેના લીધે સ્પાર્કલ વિખરાવા લાગે છે. આ દરમિયાન દુલ્હનની સાથે એક દુર્ઘટના બની હતી.
દુલ્હનનાં ચહેરા પર આગ
વાયરલ વીડિયોમાં જોવા મળે છે કે દુલ્હન સ્પાર્કલ ગનથી ફાયર કરે છે. થોડી જ ક્ષણમાં એકાએક ગન ફાટે છે અને આગ સીધી દુલ્હનનાં ચહેરા પર આવે છે. ગભરાઈ ગયેલી દુલ્હન ચીસ પાડે છે અને ગનને ફેંકીને ત્યાંથી હટી જાય છે. પછી આગથી ગભરાયેલી દુલ્હન પોતાની વરમાળાને હટાવી દે છે અને પછી આસપાસનાં હાજર લોકો દુલ્હનની મદદ કરવા પહોંચે છે.
યૂઝરે કરી કમેન્ટ્સ
દાવો કરવામાં આવી રહ્યો છે કે વીડિયો મહારાષ્ટ્રનો છે. સોશિયલ મીડિયા પ્લેટફોર્મ ટ્વિટર પર એક યૂઝરે શેર કર્યો છે. આ ક્લિપ પર લોકોએ કમેન્ટ કરી છે. એક યૂઝરે લખ્યું કે'મને નથી ખબર કે આજકાલ લોકોને શું થઈ ગયું છે. તે લગ્નનાં દિવસોને પાર્ટીઓની જેમ ટ્રીટ કરી રહ્યાં છે. તેવામાં તેઓ પોતાના ખાસ દિવસને વેળફે છે. '