સ્પેનમાં એક ચોંકાવનારો મામલો સામે આવ્યો છે. પ્રાપ્ત માહિતી મુજબ, સ્પેનમાં એક જજે તાજેતરમાં એવા કેસને ફગાવ્યો જેમાં ઘણી યુવતીઓ અને મહિલાઓ જાહેર સ્થાનો પર સુવિધા ના હોવાના કારણે પેશાબ કરી રહી હતી. તો એક અજ્ઞાત શખ્સે મહિલાઓના પ્રાઈવેટનો પાર્ટનો વીડિયો બનાવી અશ્લિલ વેબસાઈટો પર અપલોડ કરી દીધો.
સ્પેનમાં મહિલાઓએ અસુવિધાના કારણે રસ્તા પર કર્યો પેશાબ
અજ્ઞાત શખ્સે વીડિયો બનાવી અશ્લિલ વેબસાઈટ પર અપલોડ કર્યો
મહિલાઓના પ્રાઈવેટ પાર્ટનો વીડિયો રેકોર્ડ કરી અપલોડ કર્યો
સ્પેનમાં વિવેરો શહેરની એક સ્થાનિક કોર્ટના જજ પાબ્લો મુનોજ વાઝક્વેઝના ચુકાદાથી સ્પેનમાં મહિલાઓના અધિકારો પર પ્રચંડ ચર્ચા છેડાઈ ગઇ છે. આરોપ છે કે આ બધી પીડિત મહિલાઓનો વીડિયો 2019માં ઉત્તર-પશ્ચિમી શહેર સેર્વોમાં થયેલા Maruxaina Festival દરમ્યાન રેકોર્ડ કરવામાં આવ્યો હતો. એક અજ્ઞાત શખ્સે હિડન કેમેરા દ્વારા લગભગ 80 યુવતીઓ અને મહિલાઓનો વીડિયો રેકોર્ડ કર્યો હતો. આ મહિલાઓ અસુવિધાને કારણે રસ્તા પર પેશાબ કરી રહી હતી. એક ન્યૂઝ એજન્સીના રિપોર્ટ મુજબ, અજ્ઞાત આરોપીઓએ મહિલાઓના ગુપ્ત અંગો અને ચહેરાની નજીકના ભાગોના વીડિયો બનાવી પોર્ન સાઈટો પર અપલોડ કર્યા છે. જ્યારે પીડિત મહિલાઓને આ અંગે જાણ થઇ તો તેમાંથી ઘણી મહિલાઓએ ગયા વર્ષે કાયદાકીય કાર્યવાહી કરી.
કોર્ટે મહિલાઓની દલીલોને ફગાવી
મહિલાઓએ ઘટનાની તપાસ કરવાની માંગ કરતા કહ્યું કે મહિલાઓના પ્રાઈવસીના અધિકારનું ઉલ્લંઘન કરવામાં આવ્યું છે. જોકે, જજે સુનાવણી દરમ્યાન કહ્યું કે વીડિયોને જાહેર સ્થાનો પર રેકોર્ડ કરવામાં આવ્યા હતા. તેથી તેને ગુનો માની શકાય નહીં. કોર્ટે આ સાથે કેસને ફગાવી દીધો. જજનું માનવુ છે કે વીડિયો રેકોર્ડ કરવા પાછળ આરોપીઓનો પ્રભાવિત મહિલાઓની શારીરીક અને નૈતિક બાબતોનું ઉલ્લંઘન કરવાનો કોઈ ઈરાદો ન હતો.