ના હોય / મામાનું ઘર કેટલે? હવે રજાઓ ગાળવા માટે અંતરીક્ષમાં પણ જઈ શકશો, શરૂ થશે સ્પેસ હોટલ

• સ્પેસ કંપની ઑર્બિટલ એસેમ્બલી એક હોટલ પર કરી રહી છે કામ
• યુએસ બેસ્ડ આ કંપનીએ તેના સ્પેસ હોટલને લઇને માહિતી શેર કરી
• પ્રોજેક્ટની દેખરેખ હવે ઑર્બિટલ એસેમ્બલી કોર્પોરેશન કરી રહી છે

હવે બે સ્ટેશનો પર થશે કામ 

આ હોટલ પૃથ્વી પર નહીં પરંતુ અંતરીક્ષ પર હોય. તમે કદાચ વધુ રોમાંચિત થયા હશો. તમને સાંભળીને અજુગતુ લાગશે પરંતુ સ્પેસ કંપની ઑર્બિટલ એસેમ્બલી આ હોટલ પર કામ કરી રહી છે. યુએસ બેસ્ડ આ કંપનીએ તેના સ્પેસ હોટલને લઇને અનેક માહિતી શેર કરી છે, જે તે 2019થી કામ કરી રહી છે. મૂળ કેલિફોર્નિયાની કંપની ગેટવે ફાઉન્ડેશન દ્વારા આ હોટલની ડિઝાઈન અને ખાસિયતને હાલમાં ફીચર કરવામાં આવી. આ પ્રોજેક્ટની દેખરેખ હવે ઑર્બિટલ એસેમ્બલી કોર્પોરેશન કરી રહી છે. રિપોર્ટ મુજબ, ઑર્બિટલ એસેમ્બલી હવે પ્રવાસી માટે એક નહીં પરંતુ બે અંતરિક્ષ સ્ટેશનોને લોન્ચ કરવાની તૈયારીમાં છે. વાયેજર સ્ટેશનમાં હવે 400 લોકોની ઉભા રહેવાની ક્ષમતા હશે. જેને 2027માં શરૂ કરવાનુ લક્ષ્ય રાખવામાં આવ્યું છે. તો નવા સ્ટેશનનું નામ પાયનિયર સ્ટેશન રાખવામાં આવ્યું છે અને તેમાં 28 લોકો આવી શકશે. જેને આગામી ત્રણ વર્ષમાં એટલેકે 2025માં શરૂ કરવાનુ લક્ષ્ય કંપનીએ રાખ્યું છે. 

લોકપ્રિય થઇ રહ્યું છે સ્પેસ ટુરિઝમ

મહત્વનું છે કે સ્પેસ ટુરીઝમ હવે પહેલાથી ઘણુ વધારે નજીક થયુ છે. છેલ્લાં એક વર્ષમાં આ સેક્ટરમાં ઘણા મોટા ખેલાડી આવ્યાં છે. વર્ઝિનના સંસ્થાપક રિચર્ડ બ્રેનસને પોતાની કંપની વર્ઝિન ગેલેક્ટિકની સાથે સબઑર્બિટલ સ્પેસમાં ઘણો મોટો વિસ્ફોટ કર્યો છે. તો સ્ટાર ટ્રેક અભિનેતા વિલિયમ શૈટનર બ્લૂ ઓરિજિનની સાથે અંતરિક્ષમાં સૌથી વૃદ્ધ પુરૂષ બની ગયા છે. પરંતુ અહીં પણ ફક્ત રજા ગાળવા અને ફરવા માટે જવુ થોડુ મુશ્કેલ લાગે છે. 

બીજા લોકોને પણ આવશે પસંદ

ઑર્બિટલ એસેમ્બલીના મુખ્ય પરિચાલન અધિકારી ટિમ અલાતોરેને લાગે છે કે અંતરિક્ષ પર્યટન શરૂ થતાં જ આ અડચણો દૂર થઇ જશે. લોકોનુ વલણ તેના પ્રત્યે વધશે અને તેનો ઉપયોગ કરનારા લોકોની સંખ્યા પણ વધશે.