આકાશી ગોળા / ગુજરાતમાં આકાશમાંથી ગોળા પડતા કોઈએ જોયા નથી, ખગોળવિદે લગાવ્યો મોટો અંદાજ

• અવકાશી પદાર્થનો અંદાજ લગાવવો મુશ્કેલ:ખગોળવિદ
• અવકાશી પદાર્થ માનવનિર્મિત પદાર્થ હોઇ શકે:ખગોળવિદ
• "ફિશિંગ ઓબ્જેક્ટ કે હિલિયમ પ્રેસરાઇઝ વેસલની સંભાવના"

મધ્ય ગુજરાતમાં આણંદ જિલ્લાની આસપાસથી અવકાશી પદાર્થ મળવાનો મામલે અનેક તર્ક વિતર્કે જોર પકડયું છે . ત્યારે અવકાશી પદાર્થને લઇને ખગોળવિદ દિવ્યદર્શન પુરોહિતનું નિવેદન સામે આવ્યું છે. ખગોળવિદે અનુભવના આધારે અવકાશી પદાર્થ અંગે નિષ્કર્ષ કાઢતા કહ્યું છે કે અવકાશી પદાર્થ કોઇ માનવનિર્મિત પદાર્થ હોઇ શકે છે. અવકાશી પદાર્થ ફિશિંગ ઓબ્જેક્ટ કે હિલિયમ પ્રેસરાઇઝ વેસલ હોઇ શકે છે. અવકાશી પદાર્થ અંગે તેના પરના લખાણ,મેલ્ટિંગ પોઇન્ટ અને મટિરિયલ પરથી જાણી શકાય પણ હાલ તો અવકાશી પદાર્થને લઇને કોઇ નિષ્કર્ષ પર આવવુ મુશ્કેલ છે.

અવકાશી પદાર્થના દાવાનું ખંડન

• ખેડૂતે માત્ર અવાજ સાંભળ્યો છે કઇ જોયુ નથી
• આકાશમાંથી કોઇ વસ્તુ પડતી હોય તે જોવાનો કોઇએ દાવો નથી કર્યો
• અવકાશી પદાર્થ પડ્યો છે તેની આસપાસમાં કોઇ ઘાસ નથી બળ્યું
• અવકાશી પદાર્થ પડ્યો છે ત્યાં કોઇ ખાડો નથી પડ્યો

ગોળાની જાણકારી માટે પોલીસ દ્વારા ઈસરોની લેવાશે મદદ
જેથી પોલીસ તરત ઘટનાસ્થળે પહોંચી સ્થળ તપાસ કરી અવકાશી પદાર્થનો કબજો લઇ ચકલાસી પોલીસ સ્ટેશન ખાતે લઇ આવી હતી અને બીજી બાજુ આ અંગેની જાણ FSLને કરી હતી. આણંદ જિલ્લાના ઉમરેઠ તાલુકાના શીલી, ખાનકૂવા અને દાગજીપુરા બાદ નડિયાદ નજીક ભૂમેલ ગામમાં આવી ઘટનાઓ  બનતાં લોકોમાં કુતૂહલ સાથે ભયનો માહોલ જોવા મળી રહ્યો છે. છેલ્લા ત્રણ દિવસથી આકાશમાંથી વરસી રહેલા ગોળા જેવા શંકાસ્પદ પદાર્થની તપાસ માટે પોલીસ દ્વારા  ઈસરોની મદદ લેવાનો નિર્ણય કરાયો છે. ઈસરોની તપાસ બાદ શંકાસ્પદ પદાર્થના રહસ્ય પરથી પડદો ઊંચકાય તેવી શક્યતા છે.

ખગોળવિદના અનુભવના આધારે અવકાશી પદાર્થનો અંદાજ 

• હિલિયમ પ્રેસરાઇઝ વેસલ
• ફિશિંગ ઓબ્જેક્ટ
• વિમાન કે હેલિકોપ્ટરમાંથી પડેલી કોઇ વસ્તુ

શું છે સમગ્ર મામલો?
સમગ્ર ચરોતર પંથકમાં છેલ્લા ત્રણ-ચાર દિવસથી અવકાશમાંથી રાત્રિ સમયે ગોળા જેવો પદાર્થ પડવાની ઘટનાઓ બની રહી છે. આણંદ જિલ્લા બાદ ગત રાત્રે ખેડા જિલ્લામાં પણ આવી ઘટના બની હતી. નડિયાદ તાલુકાના ભૂમેલ ગામની સીમમાં આવેલા પોલ્ટ્રી ફાર્મના ખુલ્લા વિસ્તારમાં ગત રાત્રે લગભગ બે-અઢી વાગ્યાની આસપાસ એક ગોળાકાર જેવો પદાર્થ અહીં ખાબક્યો હતો.‌ મધરાત બાદ ધડામ કરતો અવાજ આવતાં અક્ષર પોલ્ટ્રી ફાર્મમા સૂઇ રહેલા મહેન્દ્ર પટેલ ઊંઘમાંથી ઉઠી ગયા હતા. દરવાજો ખોલી જોતાં ખુલ્લામાં એક ગોળાકાર પદાર્થ પડ્યો હતો. જેમાંથી ધુમાડો પણ નીકળતો હતો. વહેલી સવારે મહેન્દ્ર પટેલેએ આ વાતની જાણ ગામના સરપંચને કરી હતી, આથી સરપંચે ઘટનાસ્થળે જઇ ચકલાસી પોલીસને જાણ કરી હતી.પ્રાથમિક તપાસમાં આ પદાર્થ સેટેલાઈટમાંથી છૂટો પડેલો ભાગ હોવાનું અનુમાન છે

અવકાશી પદાર્થનો અંદાજ કેવી રીતે લેવાશે?

• અવકાશી પદાર્થ પરના લખાણ પરથી
• અવકાશી પદાર્થના મેલ્ટિંગ પોઇન્ટ પરથી
• અવકાશી પદાર્થના મટિરિયલ પરથી