અમેરિકન અંતરિક્ષ એજન્સી નાસા સમય પ્રમાણે ધરતી, બહ્માંડ, અંતરિક્ષ અને ચંદ્ર સાથે જોડાયેલી કોઈના કોઈ એવી વસ્તુ શેર કરતી રહે છે, જે ખૂબ રોમાંચિત કરે છે. આ ક્રમમાં નાસાએ હાલમાં એક એવી જાણકારી લોકો સામે મુકી છે, જે અચંબિત કરનારી છે. આ જાણકારી બ્લેક હોલ સાથે જોડાયેલી છે.
બ્લેક હોલમાંથી નિકળે છે અવાજ
નાસાએ જાહેર કર્યો સાઉન્ડનો વીડિયો
આ સાઉન્ડને એક સેટેલાઈટ દ્વારા રેકોર્ડ કરવામાં આવ્યો
આ પ્રકારનો મળ્યો સાઉન્ડ
નાસાએ હાલમાં એક સાઉન્ડને રીલીઝ કર્યો છે અને જણાવ્યું છે કે તે અવાજ બ્લેકહોલનો છે અને તેને એક સેટેલાઈટ દ્વારા રેકોર્ડ કરવામાં આવ્યો છે. મીડિયા રિપોર્ટ મુજબ, નાસાના સેટેલાઈટમાંથી રેકોર્ડ કરવામાં આવેલા આ સાઉન્ડને માણસ ક્યારેય સાંભળી શકતો નથી. જેને માણસને સાંભળવાલાયક બનાવવા માટે ધ્વનિ તરંગમાં બદલી શકાય છે. કારણકે માણસ માટે 57 ઑક્ટેવને સાંભળવુ શક્ય નથી. એવામાં એક નવી મશીનની મદદથી આ તરંગોમાં નવા નોટ્સ જોડવામાં આવ્યાં છે. ત્યારબાદ તેને એક સારો સાઉન્ડ મળી શકે છે. નાસાએ આ અવાજને ચંદ્રા એક્સ-રે ઑબ્ઝર્વેટરીમાંથી પકડ્યો છે.
If a black hole erupts in space and no one is around to observe it, does it make a sound?
નાસાનુ કહેવુ છે કે અત્યાર સુધી આ ખોટી ધારણા બની ગઇ છે કે અંતરીક્ષમાં કોઈ ધ્વનિ નથી. જેની પાછળનુ કારણ એ હતુ કે અંતરીક્ષ સંપૂર્ણ રીતે નિર્વાત છે અને અહીં ધ્વનિ તરંગો ત્યારે આગળ વધી શકે છે જ્યારે કોઈ માધ્યમ હોય. જે અહીં નથી. પણ આકાશગંગાની કહાની આ બધાથી અલગ છે. એક આકાશગંગા સમુહમાં પૂરતી માત્રામાં ગેસ છે, જેમાં તે હજારો ગેલેક્સીને પોતાની અંદર સમાવી શકે છે. આ ચીજ વસ્તુ ધ્વનિ તરંગોને વધારવામાં મદદ કરે છે. જણાવવામાં આવ્યું છે કે આ અવાજ જે બ્લેક હોલની છે, તે પૃથ્વી પરથી 20 કરોડ પ્રકાશ વર્ષના અંતરે સ્થિત છે અને 1.1 કરોડ પ્રકાશ વર્ષની પહોળાઈમાં ફેલાયેલા પર્સિયસ આકાશગંગા સમૂહના કેન્દ્રનો ભાગ છે.