બહુ કરી! / ટિકિટ ન મળતા આ નેતાએ પાર્ટી ઓફિસ સામે જ પેટ્રોલ છાંટી સળગી જવાનો કર્યો પ્રયાસ, માંડ બચ્યા

• UP election અગાઉ ટિકિટોની મારામારી 
• નેતાને ટિકિટ ન મળી તો કર્યો આત્મહત્યાનો પ્રયાસ 
• અગાઉ બસપાનાં એક નેતા રડી પડ્યા હતા 

ઉત્તર પ્રદેશમાં ચૂંટણીની તારીખોની જાહેરાત બાદ પાર્ટીઓમાં ટિકિટને લઈને વિવાદ ચાલી રહ્યો છે. 

ભાજપે પ્રથમ જાહેરાત કરી દીધી છે અને યોગી આદિત્યનાઠ ગોરખપુરથી ચૂંટણી લડશે તે નક્કી થઈ ગયું છે. 

સમાજવાદી પાર્ટીમાં વિવાદ 
લખનૌમાં સમાજવાદી પાર્ટીની ઓફિસની બહાર અલીગઢના આદિત્ય ઠાકુરે પોતાના પર પેટ્રોલ છાંટીને આત્મહત્યા કરવાનો પ્રયાસ કર્યો હતો. સાથે જ કહેવામાં આવી રહ્યું છે કે તેઓ ટિકિટ ન મળવાથી નારાજ છે. માટે તેમણે આ પગલું લીધું હતું. 

પોલીસ બચાવ્યા
જો કે પોલીસે તેને કોઈક રીતે બચાવી લીધા હતા અને અને હવે તેઓ સુરક્ષિત છે. હજુ એક દિવસ પહેલા જ એક નારાજ નેતાએ બસપા પર પૈસા લઈને ટિકિટ ન આપવાનો આરોપ લગાવ્યો હતો. શુક્રવારે મહિલા કોંગ્રેસના નેતાએ પ્રિયંકા ગાંધીના અંગત સચિવ સંદીપ સિંહ પર પૈસા લઈને ટિકિટ વહેંચવાનો આરોપ લગાવ્યો હતો. કોંગ્રેસ નેતા પ્રિયંકા મૌર્યએ કહ્યું હતું કે તેઓ લખનૌની સરોજિની નગર બેઠક પરથી ટિકિટની અપેક્ષા રાખતા હતા, પરંતુ પાર્ટીએ કોઈ અન્યને જ ટિકિટ આપી દીધી હતી.

બધી પાર્ટીઓમાં નેતાઓની નારાજગી 

અત્યાર સુધી સમાજવાદી પાર્ટીએ પશ્ચિમ ઉત્તર પ્રદેશમાં ઉમેદવારોની જાહેરાત કરી છે. જે બાદ પાર્ટીના કેટલાક નેતાઓ નારાજ હોવાનું કહેવાય છે. 

ત્યાર બાદ આજે સપા નેતાએ લખનૌમાં એસપી ઓફિસ સામે આત્મહત્યાનો પ્રયાસ કર્યો છે. બે દિવસ પહેલા એક નેતા રડી પડ્યા હતા અને બસપાના એક નેતાએ પણ પૈસા લઈને ટિકિટ ન આપવાનો દાવો કર્યો હતો અને તેનો એક વીડિયો સોશિયલ મીડિયા પર વાયરલ થયો હતો. જેમાં બસપા નેતા આરોપ લગાવી રહ્યા હતા કે તેમની પાસેથી પૈસા લેવામાં આવ્યા છે. પરંતુ ટિકિટ આપવામાં આવી ન હતી.