નવી દિલ્હીઃ પાંચ રાજ્યોમાં વિધાનસભા ચૂંટણીની મતગણતરી શરૂ છે પરંતુ વલણોમાં ભાજપની મોટી હાર દેખાઇ રહી છે. છત્તીસગઢમાં કોંગ્રેસની સરકાર બનતી દેખાઇ રહી છે. પરંતુ મધ્ય પ્રદેશ અને રાજસ્થાનમાં મામલો ફંસાયો છે.
મધ્ય પ્રદેશની ચૂંટણીને લઇને મોટા સમાચાર મળી રહ્યા છે. બસપા ભાજપને સમર્થન નહીં આપે. બસપા અને સપા બન્ને કોંગ્રેસના સમર્થનમાં રહેશે તેવું જાણવા મળી રહ્યું છે.
ત્યારે મધ્યપ્રદેશમાં કોંગ્રેસ માટે સારા સમાચાર છે. મધ્યપ્રદેશમાં રસાકસી વચ્ચે માયાવતીનું સૂચક નિવેદન આપ્યું છે. માયાવતીએ ભાજપને સમર્થન આપવાનો ઇન્કાર કર્યો છે. મધ્યપ્રદેશમાં BSP ભાજપને સમર્થન નહીં આપે. SPએ મધ્યપ્રદેશમાં કોંગ્રેસને સમર્થન આપવા તૈયારી બતાવી છે.
રાજસ્થાનમાં કોંગ્રેસ સૌથી મોટી પાર્ટી બનીને ઉભરતી દેખાઇ રહી છે પરંતુ બહુમતીથી હજુ દૂર છે. એટલે જો કોંગ્રેસે થોડી બેઠકોની જરૂર પડે છે તો અહીં સૌથી પહેલા બીએસપી અને સપા સાથે સંપર્ક કરશે. રાજસ્થાનમાં 3 બેઠકો પર બીએસપી આગળ છે.
જ્યારે મધ્ય પ્રદેશમાં કોંગ્રેસ અને ભાજપ વચ્ચે ખરાખરીનો ખેલ સર્જાયો છે. અહીં 106 બેઠકો પર ભાજપ આગળ છે જ્યારે 113 પર કોંગ્રેસ આગળ છે. અહીં સપા એક બેઠક પર આગળ છે જ્યારે 4 બેઠકો પર બસપા આગળ છે. મધ્ય પ્રદેશમાં કોંગ્રેસ જો સરકાર બનાવવાથી દૂર રહેશે તો તેમને બીએસપી અને સપાનો સાથ મળી શકે છે.