તમારા કામનું / આજથી સતત 5 દિવસ સસ્તુ મળશે સોનું, જાણો કેવી રીતે ઉઠાવી શકો છો ફાયદો

• સોવરેન ગોલ્ડ સ્કીમ એકવાર ફરી રોકાણકારો માટે ઓપન થઈ છે.
• આજથી એટલે કે 1 માર્ચથી 5 માર્ચ સુધી રોકાણ કરી શકો છો
• બોન્ડ ખરીદવા માટે તમારી પાસે પાનકાર્ડ હોવુ જરૂરી છે

સરકારની સોવરેન ગોલ્ડ સ્કીમ(Sovereign Gold Bond) એકવાર ફરી રોકાણકારો માટે ઓપન થઈ છે. આ સ્કીમમાં તમે આજથી એટલે કે 1 માર્ચથી 5 માર્ચ સુધી રોકાણ કરી શકો છો. ગોલ્ડ બોન્ડ માટે સરકારની ઈશ્યૂ પ્રાઈઝ 4662 રુપિયા પ્રતિ ગ્રામ એટલે કે 46, 620 રુપિયા પ્રતિ 10 ગ્રામ નક્કી કરી છે.

ક્યાંથી ખરીદી શકો છો તમે ગોલ્ડ બોન્ડ

સોવરેન ગોલ્ડ બોન્ડ ખરીદવા માટે તમારી પાસે પાનકાર્ડ હોવુ જરૂરી છે. રોકાણકાર આ બોન્ડ ઓનલાઈન પણ ખરીદી શકે છે. તે ઉપરાંત બેંકો, સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ, કેટલીક પોસ્ટ ઓફિસ, સિલેક્ટેડ પોસ્ટ ઓફિસો અને NSEતેમજ BSE જેવા સ્ટોક એક્સચેંજથી તમે તેની ખરીદી કરી શકો છો. 

કેટલું ખરીદી શકો છો ગોલ્ડ?

આ સ્કીમમાં એક નાણા વર્ષમાં એક વ્યક્તિ મહત્તમ 400 ગ્રામ સોનાના બોન્ડ ખરીદી શકે છે. ત્યારે ન્યૂનતમ રોકાણ માટે 1 ગ્રામ હોવું જરુરી છે. આ સ્ક્રીમમાં રોકાણ કરવા પર તમારો ટેક્સ બચે છે. બોન્ડને ટ્રસ્ટી વ્યક્તિઓ, HUF, ટ્રસ્ટ, વિશ્વવિદ્યાલયો અને ધર્માર્થ સંસ્થાઓને વેચાણ માટે પ્રતિબંધિત કરવામાં આવ્યા છે.

જાણો શું છે સોવરેન ગોલ્ડ બોન્ડ?

ગોલ્ડ બોન્ડમાં રાકોણકાર ફિઝિકલ રુપમાં સોનું નથી મળતું. આ ફિઝિકલ ગોલ્ડની સરખામણીએ ઘણું સુરક્ષિત રહે છે. આના પર 3 વર્ષ બાદ લોન્ગ ટર્મ કેપિટલ ગેન ટેક્સ લાગે છે. ત્યારે આનો લોન માટે ઉપયોગ કરી શકાય છે.  જો વાત રિડેંપ્શનની આવે તો 5 વર્ષ બાદ ક્યારેય પણ આને ભૂની શકાય છે.

કેવી રીતે  નક્કી થાય છે પ્રાઈઝ

જણાવી દઈએ કે આવેદન ઓછામાં ઓછા 1 ગ્રામ અને તેના મલ્ટીપલમાં જારી થાય છે. બોન્ડની કિંમત  ઈન્ડિયન બુલિયન એન્ડ જ્વેલર્સ એસોસિયેશન  (IBJA) દ્વારા આપવામાં આવેલી  999 શુદ્ધતા વાળા સોનાના ઔસત ક્લોજિંગ પ્રાઈસના આધાર પર નક્કી કરાઈ છે.

શું છે મેચ્યોરિટીની શરત

ગોલ્ડ બોન્ડ્સની મેચ્યોરીટીનો સમય 8 વર્ષનો હોય છે. જો કે રોકાણના 5 વર્ષ બાદ તેને બહાર કાઢી શકાય છે. મેચ્યોરિટી પર મળનારા ગોલ્ડના ભાવ તત્કાલીન ભાવના આધાર પર હોય છે.જો તમને તેમા રોકાણ કરવા માંગો છો તો સૌથી પહેલા આ બાબતો જાણી લેવી જોઈએ.