નાણાંકીય વર્ષ 2021-22ને માટે સોવરેન ગોલ્ડ બોન્ડ યોજના આજથી એટલે કે સોમવારથી શરૂ થઈ રહી છે. આ ઓફર 5 દિવસ સુધી ચાલુ રહેશે. તો જાણો તમને કેટલો થશે ફાયદો. 10 ગ્રામ સોનાની કિંમત 4777 રૂપિયા રહેશે.
સરકાર લાવી છે સોવરેન ગોલ્ડ બોન્ડ સ્કીમ
17-21 મે સુધી ચાલશે ઓફર
સોનાનો ભાવ 4777 રૂપિયા પ્રતિ ગ્રામ રહેશે
ઓનલાઈન ખરીદી પર મળશે 50 રૂપિયા પ્રતિ ગ્રામની છૂટ
સસ્તામાં સોનું ખરીદવાનો પ્લાન બનાવી રહ્યા છો તો કેન્દ્ર સરકાર તમારા માટે ખાસ ઓફર લાવી છે. જેમાં તમે સસ્તામાં રોકાણ કરીને સોનું ખરીદી શકો છો. નાણાંકીય વર્ષ 2021-22ને માટે સોવરેન ગોલ્ડ બોન્ડ યોજના 17મેના રોજ સોમવારથી શરૂ થઈ રહી છે. આ ઓફર 5 દિવસ સુધી ચાલુ રહેશે. આ વખતે તેનો ભાવ 4777 રૂપિયા પ્રતિ ગ્રામ રહેશે. આ ભાવ બજાર ભાવથી ઓછો છે. તો જાણો તમે કેવી રીતે આ ઓફરનો લાભ લઈ શકશો.
નાણામંત્રાલયે આપી જાણકારી
નાણામંત્રાલયે કહ્યું છે કે સોવરેન હોલ્ડ બોન્ડ મેથી લઈને સપ્ટેમ્બરની વચ્ચે 6 હપ્તામાં લાવવામાં આવશે. નાણાકીય વર્ષ 2021-22નો પહેલો હપ્તો 17-21મેની વચ્ચે આવશે અને 25મે સુધી બોન્ડ ચાલુ રખાશે. બોન્ડમાં રોકાણકાર 1 ગ્રામના મલ્ટીપલમાં રોકાણ કરી શકે છે. તેમાં રોકાણનો સમય 8 વર્ષનો રહે છે. પાંચમા વર્ષથી યોજનાના વ્યાજ ભુગતાનની તારીખથી રકમ કાઢવાનો અવસર મળે છે.
ઓનલાઈન ખરીદી પર મળી શકે છે વધારે ડિસ્કાઉન્ટ
સરકાર ઓનલાઈન ટ્રાન્ઝેક્શનને વેગ આપવા સાથે અનેક પ્રયાસ કરી રહી છે. તેના આધારે સરકારે સોવરેન ગોલ્ડ બોન્ડમાં પણ ઓનલાઈન ખરીદી કરવા માટે 50 રૂપિયા પ્રતિ 10 ગ્રામની છૂટ આપી છે. તમે ઓનલાઈન રોકાણ કરશો તો દર 10 ગ્રામ પર 50 રૂપિયાનું ડિસ્કાઉન્ટ મળશે. આ ભાવ રોકાણના સમયના પહેલા અઠવાડિયાના છેલ્લા 3 કારોબારી દિવસના 99.9 શુદ્ધતાવાળા સોનાના સરેરાશ ભાવ હશે.
4 કિલો સુધી કરી શકાય છે સોનાની ખરીદી
સ્કીમમા નિયમ અનુસાર વ્યક્તિગત રોકાણ અને હિંદુ અવિભાજિત પરિવાર એક વર્ષમાં 1 ગ્રામથી 4 કિલો સોનું ખરીદી શકે છે. ટ્રસ્ટ અને અન્ય કોઈ સંસ્થા દર વર્ષે 20 કિલો સુધી સોનું ખરીદી શકે છે. ગોલ્ડ બોન્ડની વેચાણ બેંક, સ્ટોક હોલ્ડિંગ કોર્પોરેશન ઓફ ઈન્ડિયા, પોસ્ટ ઓફિસ અને માન્યતા પ્રાપ્ત શેરબજારની મદદથી ખરીદી કરી શકાશે.
ક્યાંથી ખરીદી શકાય છે ગોલ્ડ બોન્ડ
સોવરેન ગોલ્ડ બોન્ડ ખરીદવા માટે તમારી પાસે પાન કાર્ડ હોવું જરૂરી છે. રોકાણકાર આ બોન્ડ ઓનલાઈન પણ ખરીદી શકે છે. આ સિવાય બેંક, સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ, નક્કી કરેલી પોસ્ટ ઓફિસ અને એનએસઈ અને બીએસઈ જેવા સ્ટોક એક્સચેન્જથી પણ તમે ખરીદી કરી શકો છો.
શુ છે સોવરેન ગોલ્ડ બોન્ડ
ગોલ્ડ બોન્ડમાં રોકાણકાર ફિઝિકલ રીતે સોનું ખરીદી શકશે નહીં. આ ડિજિટલ ગોલ્ડના આઘારે સુરક્ષિત છે. તેની પર 3 વર્ષ બાદ લોન્ગ ટર્મ કેપિટલ ગેન ટેક્સ લાગે છે. તેનો ઉપયોગ લોન માટે થઈ શકે છે. જો વાત રિડેપ્શનની કરાય તો પાંચ વર્ષ બાદ તેને ક્યારેય પણ ઉપયોગમાં લઈ શકાય છે.
કેવી રીતે નક્કી થાય છે કિંમત
અરજી કરનાર ઓછામાં ઓછા 1 ગ્રામ કે તેના મલ્ટીપલમાં રોકાણ કરી શકે છે. બોન્ડની પ્રાઈસ ઈન્ડિયન બુલિયન એન્ડ જ્વેલર્સ એસોસિયેશન દ્વારા આપવામાં આવેલા 999 શુદ્ધતાના સોનાના સરેરાશ ક્લોઝિંગ પ્રાઈસના આધારે નક્કી કરાય છે.
આ રીતે કરી શકાય છે સરકારની સ્કીમમાં રોકાણ
સોવરેન ગોલ્ડ બોન્ડ મેથી લઈને સપ્ટેમ્બરની વચ્ચે 6 હપ્તામાં લાવવામાં આવશે. નાણાકીય વર્ષ 2021-22નો પહેલો હપ્તો 17-21મેની વચ્ચે આવશે અને 25મે સુધી બોન્ડ ચાલુ રખાશે. બોન્ડમાં રોકાણકાર 1 ગ્રામના મલ્ટીપલમાં રોકાણ કરી શકે છે. તેમાં રોકાણનો સમય 8 વર્ષનો રહે છે. આ સ્કીમની બીજી સીરિઝનું સબ્સ્ક્રિપ્શન 24-28 મે સુધી ચાલુ રહેશે. આ સમયે સબ્સક્રાઈબ્સ કરનારાને 1 જૂનને ગોલ્ડ બોન્ડ અપાશે. આ પછી તે 31મેથી 4 જૂન સુધી ત્રીજી સીરિઝમાં 12 જુલાઈથી 16 જુલાઈ સુધી ચાલુ રહેશે. ત્રીજી સીરિઝ માટે ઇશ્યૂની તારીખ 8 જૂન છે તો ચોથી સીરીઝની તારીખ 20 જુલાઈ છે.