ઓફર / દિવાળી પહેલાં સસ્તું સોનું ખરીદવાનો મળી રહ્યો છે અવસર, જાણો ક્યારે અને કેવી રીતે કરશો ખરીદી

• તહેવાર પહેલાં સસ્તામાં ખરીદો સોનું
• મોદી સરકાર લાવી રહી છે સોવરેન ગોલ્ડ બોન્ડ યોજના
• 12-16 ઓક્ટોબરમાં કરી શકાશે એપ્લાય, 20 ઓક્ટોબરે સેટલમેન્ટ

સોવરેન ગોલ્ડ બોન્ડ યોજના હેઠળ સરકાર સાતમી વખત બોન્ડ જાહેર કરવા જઈ રહી છે. સોવરેન ગોલ્ડ બોન્ડ્સ માટે 12 ઓક્ટોબરથી 16 ઓક્ટોબર સુધી સબ્સ્ક્રાઇબ કરી શકાય છે. સેટલમેન્ટની તારીખ 20 ઓક્ટોબર નક્કી કરવામાં છે.રિઝર્વ બેંકની સંમતિ પછી રોકાણકારો કે જેઓ સોવરિયન ગોલ્ડ બોન્ડ્સ ઓનલાઇન ખરીદશે તેમને 50 રૂપિયાની છૂટ મળશે. આ રકમની ચુકવણી ઓનલાઇન કરવી પડશે.

જાણો કેટલી હશે કિંમત

RBIએ કહ્યું છે કે ગોલ્ડ બોન્ડની કિંમત 5051 રૂપિયા પ્રતિ ગ્રામ નક્કી કરી છે. ઓનલાઇન ખરીદનારા માટે તે 5001 રૂપિયા પ્રતિ ગ્રામ રહેશે. આ પહેલાની સીરીઝ -6માં તેની કિંમત 5117 રૂપિયા પ્રતિ ગ્રામ હતી. આ સબ્સ્ક્રિપ્શન 31 ઓગસ્ટથી 4 સપ્ટેમ્બર સુધી હતું. સરકારની તરફથી ભારતીય રિઝર્વ બેંક દ્વારા સોવરેન ગોલ્ડ બોન્ડ જાહેર કરાય છે. 

જાણી લો શું છે આ સ્કીમ
 

સોવરેન ગોલ્ડ બોન્ડ યોજના સોનામાં રોકાણ કરવાની યોજના છે. આ યોજના ભારત સરકાર વતી ભારતીય રિઝર્વ બેંક (આરબીઆઈ) દ્વારા જાહેર કરવામાં આવે છે. આ યોજનાનો મુખ્ય ઉદ્દેશ સોનાની ફિઝિકલ માંગને ઘટાડવાનો છે.  જેથી ભારતની સોનાની આયાત ઓછી થઈ શકે. આ યોજના 2015 માં શરૂ કરવામાં આવી હતી.હવે આ યોજનાની સાતમી સ્કીમ આવી છે જેમાં તેની કિંમત ઓનલાઈન ખરીદી માટે 5001 રૂપિયા અને બોન્ડની કિંમત 5051 રૂપિયા પ્રતિ ગ્રામ રાખવામાં આવી છે. 
 

કોણ કોણ કરી શકે આ સ્કીમમાં રોકાણ

જે વ્યક્તિ સોવરિન ગોલ્ડ બોન્ડમાં એક દરેક વ્યક્તિ રોકાણ કરી શકે છે જે ભારતમાં રહે છે.   તે પોતાના માટે બોન્ડ ધારક બની શકે છે, કોઈ અન્ય વ્યક્તિ સાથે સંયુક્ત રીતે અથવા સગીર વતી પણ આ ગોલ્ડ બોન્ડ ખરીદી શકે છે. અહીં એક વાતનું ધ્યાન રાખવું કે ભારતમાં રહેતી વ્યક્તિની વિદેશી વિનિમય વ્યવસ્થાપન અધિનિયમ, 1999 ની કલમ 2 (યુ) સાથે કલમ 2 (વી) હેઠળ વ્યાખ્યાયિત કરવામાં આવી છે. તેમાં યુનિવર્સિટી, ધર્માર્થ સંસ્થા અથવા બોન્ડ ધારક તરીકે ટ્રસ્ટ પણ હોઈ શકે છે.

શું છે રોકાણના ફાયદા
 
સોવરેન ગોલ્ડ બોન્ડ્સનો ઉપયોગ ઉધાર લેવા માટે કોલેટરલ તરીકે ઉપયોગ કરી શકાય છે. આ બોન્ડ્સ રિઝર્વ બેંક દ્વારા જાહેર કરવામાં આવે છે અને તેથી રોકાણકારો આ જોખમને ટાળી શકે છે કે બોન્ડ જાહેર કરતી કંપની નાદાર નહીં થાય અથવા ભાગી ન જાય. આ બોન્ડ્સનું એક્સચેંજમાં ટ્રેડ કરી શકાય છે, જેથી રોકાણકારો ઇચ્છે તો સમય પહેલા એક્ઝિટ પણ કરી શકે. સોનાના ભાવમાં વધારા ઉપરાંત રોકાણકારોને 2.5% ના દરે વધારાના વ્યાજ પણ મળે છે.