સરકારી ગોલ્ડ બોન્ડના પાંચ હપ્તા આજથી એટલે કે સોમવાર 9 ઓગસ્ટથી ખુલી ગયા છે.
સરકાર આપી રહી છે સસ્તુ સોનું ખરીદવાનો મોકો
ઓગસ્ટની આ તારીખ છે છેલ્લી
જાણો વધુ માહિતી વિશે
જો તમે સોનામાં રોકાણ કરવાનું વિચારી રહ્યા છો તો એક વખત વિચારી લો, કારણ કે ગોલ્ડ બોન્ડમાં રોકાણ કરવાનુ તક મળી રહી છે. જે ગોલ્ડમાં રોકાણ કરવાનું ખૂબ જ ભરોસા પાત્ર માધ્યમ છે. સરકારનો પાંચમો હપ્તો આજથી એટલે કે સોમવારે 9 ઓગસ્ટથી 13 ઓગસ્ટ સુધી ચાલું રહેશે. જેમાં તમને સસ્તુ સોનું ખરીદવાનો મોકો મળી રહ્યો છે. જણાવી દઈએ કે સ્કીમનો છઠ્ઠો અને છેલ્લો હપ્તો 30 ઓગસ્ટથી 3 સપ્ટેમ્બર માટે ખુલશે. એટલે કે અમુક રોકાણકારો માટે ગોલ્ડ બોન્ડમાં રોકાણ કરવા માટે પાંચમી અને છઠ્ઠી સ્કીમનો મોકો છો.
શું છે ઈશૂ પ્રાઈસ
રિઝર્વ બેન્ક ઓફ ઈન્ડિયાએ તેના પર પોતાની પ્રેસ રિલીઝમાં જણાવ્યું કે બોન્ડના સબ્સક્રિપ્શન માટે ઈશુ પ્રાઈસ India Bullion and Jewellers Association Limitedના પાછલા ત્રણ કારોબારી સત્રોમાં સોનાની ક્લોઝિંગ પ્રાઈસના હિસાબથી રહેશે. આ વખતે બોન્ડની કિંમત 4,790 રૂપિયા પ્રતિ ગ્રામ રાખવામાં આવી છે.
આમાં મળશે ડિસ્કાઉન્ટ
ગોલ્ડ બોન્ડ સ્કીમના પાંચમાં હપ્તામાં 4,790 રૂપિયા પ્રતિ ગ્રામ રાખવામાં આવ્યો છે. પરંતુ તેના પર ડિસ્કાઉન્ટ પણ છે. એટલે કે જો તમે 10 ગ્રામ સોનાની ખરીદી કરી છે તો તમે 47,900 રૂપિયામાં ખરીદી કરી શકશો. પરંતુ જો તમે ડિજીટલ પેમેન્ટ કર્યું છે તો તમારે 50 રૂપિયા પ્રતિ ગ્રામની છુટ મળશે. આરબીઆઈએ જણાવ્યું કે ભારત સરકારના સુચનથી તે ઓનલાઈન અરજી અને ડિજિટલ રીતે ચુકવણી કરનાર રોકાણકારોને 50 રૂપિયા પ્રતિ ગ્રામની છૂટ આપશે.
આરબીઆઈ અનુસાર, 'આવા રોકાણકારો માટે ઈશૂ પ્રાઈઝ 4,757 રૂપિયા પ્રતિ ગ્રામ સોનું રહેશે.' એટલે કે રોકાણકાર જો 1 ગ્રામ સોનું ખરીદે છે તો તેને 500 રૂપિયાની છુટ મળશે અને તે સોનું 47,400 રૂપિયાના રેટ પર ખરીદી શકશે.