યોજના / મોદી સરકાર આપી રહી છે ડિસ્કાઉન્ટ સાથે સસ્તામાં સોનું ખરીદવાની તક, જાણો શું છે ભાવ

• મોદી સરકારની યોજના 
• સોવરિન ગોલ્ડ બોન્ડ દ્વારા ખરીદી શકાય છે સોનું
• ડિજિટલ પેમન્ટ કરાવાથી થાય છે ફાયદો 

આરબીઆઈએ આ નિવેદનમાં એમ પણ જણાવ્યું છે કે ઓનલાઇન ચુકવણી અને આ બોન્ડની ખરીદી કરતા રોકાણકારોને પ્રતિ ગ્રામ રૂ .50 ની છૂટ આપવાનો પણ નિર્ણય લેવામાં આવ્યો છે. આવા રોકાણકારો માટે આ ગોલ્ડ બોન્ડની કિંમત પ્રતિ ગ્રામ 4862 રૂપિયા હશે.

બોન્ડની નજીવી કિંમત 4912 રૂપિયા નક્કી કરવામાં આવી

રિઝર્વ બેંકે શુક્રવારે કહ્યું હતું કે બોન્ડની નજીવી કિંમત 4912 રૂપિયા નક્કી કરવામાં આવી છે. બોન્ડની કિંમત ભારતીય બુલિયન અને જ્વેલર્સ એસોસિએશન લિમિટેડ (આઈબીજેએ) દ્વારા 27 અને 29 જાન્યુઆરી દરમિયાન 999 શુદ્ધતાના સોનાના સરેરાશ બંધ ભાવના આધારે નક્કી કરવામાં આવી છે.

ઓનલાઇન ખરીદી કરનારને મળશે 50 રૂપિયાની છૂટ

ઓનલાઇન સોનાના બોન્ડ માટે અરજી કરનારા અને ચુકવણી કરનારાને સરકારે પ્રતિ ગ્રામ 50 રૂપિયાની છૂટ આપવાનો નિર્ણય કર્યો છે. એટલે કે, જો તમે ડિજિટલ પેમેન્ટથઈ ચુકવણી કરો છો, તો તમને પ્રતિ ગ્રામ 50 રૂપિયાનું ડિસ્કાઉન્ટ મળશે. છૂટ બાદ ગોલ્ડ બોન્ડની ઇશ્યૂ પ્રાઈઝ પ્રતિ ગ્રામ રૂ. 4862  રહેશે.

2015માં મોદી સરકારે યોજના રજૂ કરી હતી

નોંધપાત્ર વાત એ છે કે, વર્ષ 2015 માં મોદી સરકારે સોવરિન ગોલ્ડ બોન્ડ યોજના રજૂ કરી હતી. યોજનાઓની આ શ્રેણી અંતર્ગત લોકોને સમય સમય પર ગોલ્ડ બોન્ડ ખરીદવાની તક આપવામાં આવે છે. તેની વિશેષતા એ છે કે ગોલ્ડ બોન્ડની કિંમત બજારમાં જતા રેટ કરતા ઓછી છે.

શું થાય છે ફાયદો

જેમ જેમ સોનાનો ભાવ વધે છે, તેમ સોનાના બોન્ડના રોકાણકારોને ફાયદો પણ થાય છે. આ બોન્ડ પેપર અને ઇલેક્ટ્રોનિક ફોર્મેટમાં છે. જેના કારણે તમારે તેને શારીરિક સોનાની જેમ લોકરમાં રાખવાનો ખર્ચ ઉઠાવવો નહીં પડે.

સોનું ખરીદીને ઘરે નથી રાખવામાં નથી આવતું પરંતુ કરી શકાય છે રોકાણ

આપને જણાવી દઇએ કે, સોવરિન ગોલ્ડ બોન્ડ યોજના અંતર્ગત, સોનું ખરીદીને ઘરે રાખવામાં આવતું નથી, પરંતુ બોન્ડમાં રોકાણ તરીકે ઉપયોગમાં લેવાય છે. બોન્ડ આધારિત સોનાની કિંમત રિઝર્વ બેંક ઓફ ઇન્ડિયા (RBI) દ્વારા નક્કી કરવામાં આવે છે.

આ છે શરતો

જો કે સ્કીમના આધારે બોન્ડ ખરીદવાની કેટલીક શરતો પણ છે. કોઈ પણ વ્યક્તિ એક નાણાંકીય વર્ષમાં વધુમાં વધુ 500 ગ્રામ ગોલ્ડ બોન્ડ ખરીદી શકે છે.

સરકારની આ સ્કીમમાં સોનામાં કરો રોકાણ, આટલું મળશે વ્યાજ