ઓફર / ધનતેરસ- દિવાળી પહેલાં સસ્તામાં સોનું ખરીદવાનો અવસર આપી રહી છે સરકાર, ડિસ્કાઉન્ટ સહિત મળશે અનેક ફાયદા

• સોવરેન ગોલ્ડ બોન્ડ સ્કીમ 2020-21
• સીરીઝ 8નું સબ્સ્ક્રીપ્શન 9 નવેમ્બરે સોમવારે શરૂ થશે
• RBIએ સોનાનો ભાવ 5177 રૂપિયા પ્રતિ ગ્રામ નક્કી કર્યો

ડિજિટલ પેમેન્ટ કરનારા માટે RBI નક્કી કર્યો 5177 રૂપિયા પ્રતિ ગ્રામનો ભાવ

આ પહેલાં 12 ઓક્ટોબરે જાહેર કરાયેલા ગોલ્ડ બોન્ડનો ભાવ 5051 રૂપિયા પ્રતિ ગ્રામ રખાયો હતો. સોવરેને ગોલ્ડ બોન્ડને RBI દ્વારા સરકારની તરફથી જાહેર કરાય છે. આ ભાવ 999 શુદ્ધતા વાળા સોનાને માટે હોય છે. 

કેટલું કરી શકાશે રોકાણ

રોકાણકારો સોવરેન ગોલ્ડ બોન્ડમાં ઓછામાં ઓછું 1 ગ્રામ સોનામાં રોકાણ કરી શકે છે. વ્યક્તિગત રીતે વધુમાં વધુ 4 કિલોગ્રામ સુધી સોનામાં રોકાણ કરી શકાય છે. તેની મેચ્યોરિટી 8 વર્ષની હોય છે. રોકાણકાર પાંચમા વર્ષે આ સ્કીમથી બહાર નીકળવાનો વિકલ્પ લઈ શકે છે. 

કેવી રીતે કરશો ગોલ્ડ બોન્ડમાં રોકાણ

આ ગોલ્ડ બોન્ડમાં બેંકો, સ્ટોક હોલ્ડિંગ કોર્પોરેશન ઓફ ઈન્ડિયા, પોસ્ટ ઓફિસ અને સ્ટોક એક્સચેન્જની મદદથી રોકાણ કરી શકાય છે. સ્મોલ  ફાઈનાન્સ બેંક અને પેમેન્ટ બેંકની મદદથી તેમામં રોકાણનો વિકલ્પ હોતો નથી. 

વાર્ષિક 2.5 ટકા વ્યાજનો પણ મળે છે લાભ

ગોલ્ડ બોન્ડ પર વાર્ષિક 2.50 ટકાના દરે વ્યાજ મળે છે. ગોલ્ડ બોન્ડમાં રોકાણ  કરવાની ખાસ વાત એ છે કે તેના સ્ટોરેજની ચિંતા રહેતી નથી.તેને ડીમેટમાં રાખવાથી કોઈ જીએસટી પણ આપવાનો રહેતો નથી. જો ગોલ્ડ બોન્ડના મેચ્યોરિટી પર કેપિટલ ગેન્સ બને છે તો તેની પર છૂટ મળશે. ગોલ્ડ બોન્ડ પર મળનારો આ એક એક્સક્લુઝિવ લાભ છે. 

સરકારે વર્ષ 2015માં સોવરેન ગોલ્ડ બોન્ડ સ્કીમ લોન્ચ કરી હતી. જેથી ફિઝિકલ ગોલ્ડની માંગને ઘટાડી શકાય. RBIના વાર્ષિક રિપોર્ટ 2019-20 મુજબ સોવરેન ગોલ્ડ બોન્ડના 37 ભાગ માટે કુલ 9652.78 કરોડ રૂપિયાની કિંમતના 30.98 ટન સોનું નોંધાઈ ચૂક્યું છે.