હવામાન વિભાગ / ખેડુતો માટે સારા સમાચારઃ આ વર્ષે સારુ રહેશે ચોમાસું ,1 જૂને કેરળ પહોંચશે, ગુજરાતમાં 3 થી 7 દિવસ પડશે મોડું

• ચોમાસાને લઈને ખેડૂતો માટે સારા સમાચાર
• આ વર્ષે સારુ ચોમાસુ રહેવાની કરાઈ આગાહી
• આજે અને કાલે કેરલ, તમિલનાડુમાં વરસાદની આગાહી

દેશમાં કોરોના વાયરસ મહામારીની વચ્ચે હવામાન વિભાગે ચોમાસાને લઇને સકારાત્મક આગાહી કરી છે. હવામાન વિભાગના જણાવ્યાંનુસાર બંગાળના અખતામાં દક્ષિણ-પૂર્વ ક્ષેત્ર અને તેને અડીને આવેલા દક્ષિણ આંદામાન સમુદ્રમાં બુધવારે સવારે લો પ્રેશના બે ઝોન બન્યા છે. જેને લઇને ઉત્તર ભારતમાં આજે અને કાલે વરસાદની શક્યતા જોવા મળી રહી છે. 

કેટલાંક રાજ્યોમાં આંધી-તોફાન સાથે વરસાદની સંભાવના

હવામાન વિભાગની આગાહી મુજબ આગામી 48 કલાકમાં દેશના કેટલાંક રાજયોમાં આંધી-તોફાન સાથે વરસાદની શક્યતા છે. જેમાં કેરળ, તામિલનાડુ, પોંડીચેરી, દક્ષિણ કર્ણાટક, લક્ષદ્વીપમાં ભારે વરસાદની સંભાવના છે. ઉત્તર ભારતમાં વેસ્ટર્ન ડિસ્ટર્બન્સના કારણે વરસાદની આગાહી કરવામાં આવી છે. 

ગુજરાતમાં ચોમાસું 3 થી 7 દિવસ મોડુ

હવામાન વિભાગની આગાહી મુજબ ગુજરાત સહિત મહારાષ્ટ્ર, મધ્ય પ્રદેશ, છત્તીસગઢ, તેલંગાણા, આંધ્ર પ્રદેશ, ઓડિશા, ઝારખંડ, બિહાર, ઉત્તર પ્રદેશના કેટલાંક ભાગોમાં ચોમાસાનું આગમન 3 થી 7 દિવસ મોડુ બેસી શકે છે. 

કેરળમાં 1લી જૂનથી બેસશે ચોમાસું

હવામાન વિભાગની આગાહી મુજબ કેરળમાં ચોમાસું 1 જૂનથી બેસી જશે. જ્યારે દિલ્હીમાં 23 થી 27 જુન, મુંબઇ અને કોલકાતામાં 10-11 જૂનથી વરસાદની શક્યતા છે.