ટેસ્ટનો પ્રથમ દિવસ વરસાદના કારણે ધોવાઈ ગયો, જોકે વરસાદનું વિઘ્ન હજુ પણ ટળ્યું નથી
બે દિવસ દરમિયાન ઘણાં સેશન વરસાદના કારણે ધોવાઈ શકે છે
૮૬ ટકા ક્લાઉડ કવર રહેવાની શક્યતા
રિઝર્વ ડેના દિવસે વરસાદની ૫૦ ટકા શક્યતા
બે દિવસ દરમિયાન ઘણાં સેશન વરસાદના કારણે ધોવાઈ શકે છે
(એજન્સી) સાઉથમ્પ્ટન, શનિવારઃ ભારત અને ન્યૂઝીલેન્ડ વચ્ચે વર્લ્ડ ટેસ્ટ ચેમ્પિયનશિપની શરૂઆત સારી ના રહી. ટેસ્ટનો પ્રથમ દિવસ વરસાદના કારણે ધોવાઈ ગયો, જોકે વરસાદનું વિઘ્ન હજુ પણ ટળ્યું નથી. ૨૩ જૂને રિઝર્વ ડે મળીને હવે આગામી દિવસમાંથી લગભગ ત્રણ દિવસ વરસાદ પડી શકે છે. હવામાનખાતાની આગાહી અનુસાર સોમવાર- મંગળવારે ૯૦ ટકા વરસાદની શક્યતા છે. આ બે દિવસ દરમિયાન ઘણાં સેશન વરસાદના કારણે ધોવાઈ શકે છે, જોકે ૨૩ જૂને રિઝર્વ ડેના દિવસે હવામાન બિલકુલ ચોખ્ખું રહેશે.
૮૬ ટકા ક્લાઉડ કવર રહેવાની શક્યતા
૧૯ જૂનઃ આજે ૬૦થી ૮૦ ટકા વરસાદ થઈ શકે છે. આ સાથે જ ૮૬ ટકા ક્લાઉડ કવર રહેવાની શક્યતા છે. આ સ્થિતિમાં ટોસ જીતરાની ટીમ પ્રથમ બોલિંગ કરવાનું પસંદ કરી શકે છે. મેચ દરમિયાન વાદળ છવાયેલાં રહેશે. તેથી બોલરને ઘણી મદદ મળી શકે છે.
૨૦ જૂનઃ આવતી કાલ રવિવારે વરસાદની સાથે તડકો પણ નીકળશે. કાલે વરસાદની શક્યતા ૬૦થી ૮૦ ટકા છે. ૭૦ ટકા ક્લાઉડ કવર રહેવાની આગાહી છે. આ સ્થિતિમાં મેચનાં ત્રણેય સેશન રમાઈ શકે છે. આ દરમિયાન બોલ જોરદાર સ્વિંગ થશે.
૨૧ જૂનઃ સોમવારે વરસાદ વિલન બની શકે છે. સોમવારે ૮૦થી ૯૦ ટકા વરસાદની આશંકા છે, જ્યારે ક્લાઉડ કવર ૯૯ ટકા રહેશે. સોમવારે ૨.૩થી ૨.૫ મિ.મી. વરસાદના કારણે પ્રથમ અને બીજું સેશન ધોવાઈ શકે છે.
રિઝર્વ ડેના દિવસે વરસાદની ૫૦ ટકા શક્યતા
૨૨ જૂનઃ મંગળવારે કેટલાંક સેશન વરસાદના કારણે ધોવાઈ શકે છે. આ દિવસે ૮૦થી ૯૦ ટકા વરસાદની શક્યતા છે, સાથે જ ૭૩ ટકા ક્લાઉડ કવર રહી શકે છે. મંગળવારે ૩.૨૦ મિ.મી. સુધી વરસાદની આગાહી છે. આ સ્થિતિમાં રમત મુશ્કેલ બની શકે છે. આ સાથે જ ૨૭ કિ.મી. પ્રતિકલાકની ઝડપે પવન ફૂંકાઈ શકે છે. આ સ્થિતિમાં રિઝર્વ ડેના દિવસ સુધી ટેસ્ટ ખેંચાશે એ નિશ્ચિત છે.
૨૩ જૂનઃ રિઝર્વ ડેના દિવસે વરસાદની ૫૦ ટકા શક્યતા છે. આ દિવસે ક્લાઉડ કવર પણ ૫૦ ટકા રહેવાની સાથે તડકો પણ નીકળી શકે છે. આ સ્થિતિમાં ત્રણેય સેશનમાં રમત શક્ય બની શકે છે, જોકે ૧૭ કિ.મી. પ્રતિકલાકની ઝડપે પવન ફૂંકાશે. બધું મળીને રિઝર્વ ડેના દિવસે પરિસ્થિતિ ભારતીય ટીમને અનુકૂળ રહી શકે છે.