ફિલ્મ ઇન્ડસ્ટ્રી / 2022માં સાઉથના આ સુપરસ્ટારે કરી તાબડતોબ કમાણી, બોલિવુડના હીરોને પણ ટક્કર આપે છે આ એક્ટર્સ

• આ સેલિબ્રિટીઓએ વર્ષ 2022માં એક ફિલ્મ માટે સૌથી વધુ ફિલ્મ લીધી
• આ યાદીમાં સૌથી ઉપર સાઉથ મેગાસ્ટાર કમલ હાસનનુ નામ
• કમલ હાસને ઈન્ડસ્ટ્રીમાં 5 દાયકાથી વધુનો સમય વિતાવ્યો

વર્ષ 2021ની જેમ વર્ષ 2022 પણ પૂરેપુરું સાઉથના નામે રહ્યું. આ દરમ્યાન ઘણી બધી ફિલ્મો રીલીઝ થઇ, જેણે વર્લ્ડવાઈડ બૉક્સ ઑફિસ પર સારી કમાણી કરી. આ ફિલ્મોના સ્ટાર્સે પણ સારી ફી વસૂલી છે. આવો જાણીએ એવી સેલિબ્રિટીઓ વિશે જેમણે વર્ષ 2022માં એક ફિલ્મ માટે સૌથી વધુ ફી લીધી. 

કમલ હાસન- બોલીવુડ સુપરસ્ટાર કમલ હાસન ભારતીય સિનેમાના એવી સેલિબ્રિટીઓમાંથી એક છે, જેમણે ઈન્ડસ્ટ્રીમાં 5 દાયકાથી વધુનો સમય વિતાવ્યો છે. તેઓ અનેક ફિલ્મોમાં કામ કરી ચૂક્યા છે. અભિનેતાનુ કોઈ ફિલ્મમાં હોવુ પોતાનામાં સફળતાની ગેરંટી હોય છે. અભિનેતાની હાલની રીલીઝ ફિલ્મ વિક્રમ પરથી આ સાબિત પણ થયુ. હવે તેઓ પોતાની અપકમિંગ ફિલ્મ ઈન્ડિયન 2 માટે જેટલી રકમ લઇ રહ્યાં છે તે સાંભળીને તમારા હોશ ઉડી જશે. અભિનેતા આ ફિલ્મ માટે 150 કરોડ રૂપિયા લઇ રહ્યાં છે. 

પ્રભાસ- બાહુબલી ફેમ પ્રભાસ મોટા પ્રોજેક્ટ્સના એક્ટર છે. બાહુબલી સીરીઝ બાદ તેમની ડિમાન્ડ વધી ગઇ છે. તેમની એક ફિલ્મની ચર્ચા વધારે છે. રિપોર્ટસ મુજબ પ્રભાસે પોતાના અપકમિંગ ફિલ્મ પ્રોજેક્ટ માટે 150 કરોડ રૂપિયા માંગ્યા છે. આ રકમ ઘણી મોટી છે. 

મહેશ બાબૂ- સાઉથ ઈન્ડસ્ટ્રીમાં મહેશ બાબૂનો ઘણા સમયથી દબદબો છે. અભિનેતા પોતાની ફિલ્મો માટે સારી ફી લે છે. પરંતુ આ વખતે મહેશ બાબૂએ પોતાની ફિલ્મની ફી વધારી દીધી છે. સૂત્રો મુજબ એસ એસ રાજામૌલીની અપકમિંગ ફિલ્મ માટે તેઓ 100 કરોડ રૂપિયા લઇ રહ્યાં છે. 

અલ્લૂ અર્જુન- અલ્લૂ અર્જુનને પુષ્પાના ફર્સ્ટ પાર્ટ પરથી જેવી લોકપ્રિયતા મળી તેવી અન્ય ફિલ્મ પરથી નથી મળી. ફિલ્મના પહેલા પાર્ટની સફળતાને જોઇને અલ્લૂ અર્જુને બીજા પાર્ટ માટે વધુ ફીની માંગ કરી છે. અલ્લૂએ આ ફિલ્મ માટે 75 થી 100 કરોડ રૂપિયા માંગ્યા છે.