સાઉથના સુપરસ્ટાર મહેશ બાબુની માતા ઈન્દિરા દેવીનું આજે સવારે નિધન થયું છે. મહેશ બાબુની માતાની સારવાર હૈદરાબાદની એઆઈજી હોસ્પિટલમાં ચાલી રહી હતી.
સાઉથના સુપરસ્ટાર મહેશ બાબુની માતાનું નિધન
ઈન્દિરા દેવીનું આજે સવારે નિધન થયું છે
છેલ્લા ઘણા સમથી બીમાર હતા ઇન્દિરા દેવી
સાઉથના સુપરસ્ટાર મહેશ બાબુની માતા ઈન્દિરા દેવીનું આજે સવારે નિધન થયું છે. અહેવાલો અનુસાર, અભિનેતાની માતા છેલ્લા કેટલાક અઠવાડિયાથી બીમાર હતા, ત્યારબાદ તેને હોસ્પિટલમાં દાખલ કરવામાં આવ્યા હતા. મહેશ બાબુની માતાની સારવાર હૈદરાબાદની એઆઈજી હોસ્પિટલમાં ચાલી રહી હતી. તબિયત બગડવાના કારણે તેની માતાને હોસ્પિટલમાં વેન્ટિલેટર પર રાખવામાં આવ્યા હતા, જ્યાં અભિનેતાની માતા ઇન્દિરા દેવીએ 28 સપ્ટેમ્બર, 2022 ની સવારે અંતિમ શ્વાસ લીધા હતા. સતીશ રેડીએ મહેશ બાબુની માતા ઇન્દિરા દેવીના મોતના દુખદ સમાચાર પણ પોતાના ટ્વિટર હેન્ડલ પર શેર કર્યા છે. સતીશ રેડ્ડીએ મહેશ બાબુની માતાના નિધન વિશે માહિતી આપતા લખ્યું, "સુપરસ્ટાર મહેશ બાબુની માતા ઇન્દિરા ગુરુનું નિધન થયું છે. તેમના પરિવાર પ્રત્યેની મારી સંવેદના. ભગવાન તેમના આત્માને શાંતિ આપે.
મહેશ બાબુની માતાનું બુધવારે સવારે 4 વાગ્યે નિધન
અભિનેતાની માતાનું બુધવારે સવારે 4 વાગ્યે નિધન થયું હતું, કારણ કે તે છેલ્લા કેટલાક સમયથી સ્વાસ્થ્ય સમસ્યાઓથી પીડાઈ રહી હતી. અહેવાલો અનુસાર મહેશ બાબુની માતા ઇન્દિરા દેવીના પાર્થિવ દેહને અંતિમ દર્શન માટે સવારે 9 વાગ્યાથી બપોરે 12 વાગ્યા સુધી પદ્માલય સ્ટુડિયોમાં રાખવામાં આવશે, ત્યારબાદ તેમના અંતિમ સંસ્કાર કરવામાં આવશે. મહેશ બાબુની માતાના નિધન પર ફેન્સ શોક વ્યક્ત કરી રહ્યા છે. અહેવાલો અનુસાર, જ્યારે ઈન્દિરા દેવીને હોસ્પિટલમાં દાખલ કરવામાં આવ્યા હતા, ત્યારે સાઉથ સ્ટાર મહેશ બાબુ હૈદરાબાદની એઆઈજી હોસ્પિટલમાં દરરોજ તેમની મુલાકાત લેતા હતા.
Shri Ghattamaneni Indira Devi , the wife of Superstar Krishna and mother of Superstar Mahesh Babu passed away today morning.
Today from 9.00AM,her body will be kept at the Padmalaya studio for people to visit & later the last rites will be performed at Mahaprasthan. #IndiraDevipic.twitter.com/ZZ7uK81DEj
મહેશ બાબુ તેની માતાની ખૂબ નજીક રહ્યો છે
મહેશ બાબુને હંમેશાં તેમની માતા ઇન્દિરા દેવી સાથે વિશેષ લગાવ રહ્યો છે. તેના પિતા અને સુપરસ્ટાર કૃષ્ણા ગરુએ વિજયા નિર્મલા સાથે બીજી વખત લગ્ન કર્યા. ઈન્દિરા દેવી પોતાના પતિ કૃષ્ણા ગરુથી અલગ થયા બાદ એકલા રહેતા હતા, પરંતુ મહેશ બાબુ અને પરિવારના અન્ય સભ્યો અવારનવાર તેમની મુલાકાત લેતા હતા. મહેશ બાબુ હંમેશાં તેમની માતા ઇન્દિરા દેવીની ખૂબ નજીક રહ્યા છે. કૃષ્ણ ગરુ અને ઇન્દિરા દેવીના ઘરે જન્મેલા મહેશ બાબુ તેમના ઘરનું ચોથું સંતાન છે. તમને જણાવી દઈએ કે આ વર્ષે મહેશ બાબુના ભાઈ રમેશ બાબુનું પણ તબિયત ખરાબ થવાના કારણે મોત થયું હતું.