નોકરી / 10 પાસ માટે રેલવેમાં પડી છે ભરતી, આવી રીતે કરો અરજી

• 10મું ધોરણ પાસ માટે રેલ્વેમાં નોકરીની તક
• 100 રૂપિયાનું ફોર્મ ભરો, પછી આ રીતે થશે સિલેક્શન
• 4103 પોસ્ટ માટે અરજીઓ મગાવી

સાઉથ સેન્ટ્રલ રેલ્વેએ તેની વેબસાઈટ પર આ પોસ્ટ માટેની સત્તાવાર સૂચના જાહેર કરી છે. જેમાં 4103 પોસ્ટ માટે અરજીઓ મગાવી છે. જ્યાં જનરલ-1689, એસસી -607, એસટી -302 અને ઓબીસી ઉમેદવારો માટે 1101 જગ્યાઓ માટે અરજીઓ મગાવી છે. 

સૂચના મુજબ, આ પોસ્ટ માટેની અરજીની પ્રક્રિયા 9 નવેમ્બરથી શરૂ થઈ ગઈ છે અને અરજી કરવાની છેલ્લી તારીખ 8 ડિસેમ્બર છે. એપ્રેન્ટિસની પોસ્ટ માટે અરજી કરવા માટે ઉમેદવારોએ કોઈપણ માન્ય સંસ્થામાંથી 10મું ધોરણ અને ITI (Industrial Training Institutes)નો કોર્સ કરેલો હોવો જોઈએ. 

આ રીતે કરો અરજી

જે ઉમેદવારો અરજી કરવા માંગે છે તેઓ સત્તાવાર વેબસાઇટ scr.indianrailways.gov.in પર જઈને અરજી કરી શકે છે. આ ભરતીમાં અરજી કરવા માટે, જનરલ, ઓબીસી અને ઇડબ્લ્યુએસ ઉમેદવારોએ 100 રૂપિયા ચૂકવવા પડશે. જ્યારે એસસી/ એસટી/ મહિલા/પીડબ્લ્યુડી ઉમેદવારોએ કોઈ ફી ચૂકવવી નહીં પડે. પરીક્ષા માટેની ફી ડેબિટ કાર્ડ, ક્રેડિટ કાર્ડ, નેટ બેન્કિંગ દ્વારા ચૂકવી શકાય છે. ઉમેદવારોની પસંદગી મેરિટ લિસ્ટના આધારે કરવામાં આવશે.