અમદાવાદ / સાઉથ બોપલની બિલ્ડીંગ પર પડી વીજળી, લોકોમાં છવાયો ભયનો માહોલ

કડાકા સાથે પડી રહેલા વરસાદના કારણે બિલ્ડિંગ પર વીજળી પડી હતી. વરસાદની વચ્ચે બિલ્ડીંગ પર વીજળી પડતાં લોકોમાં ભયનો માહોલ જોવા મળ્યો હતો. 


 

અમદાવાદ શહેરમાં મોડી રાતથી સવાર સુધીમાં ધોધમાર વરસાદ પડ્યો હતો. શહેરના દક્ષિણ ઝોનમાં સૌથી વધુ 3 ઈંચ વરસાદ થયો છે. જ્યારે પૂર્વ ઝોન અને દક્ષિણ પશ્ચિમ ઝોનમાં અઢી-અઢી ઈંચ વરસાદ થયો છે.  જ્યારે ઉત્તર ઝોનમાં 2 ઈંચ જ્યારે પશ્ચિમ ઝોનમાં પોણા બે ઈંચ વરસાદ થયો છે. આ તરફ ઉત્તર પશ્ચિમ ઝોન અને ઉત્તર ઝોનમાં દોઢ-દોઢ ઈંચ વરસાદ થયો છે.

શહેરમાં પડેલા ધોધમાર વરસાદના પગલે અનેક વિસ્તારોમાં ઠેર-ઠેર પાણી ભરાયાં હતા. જેને લઇને શહેરના અંડરપાસમાં પાણી ભરાઇ ગયેલા જોવા મળ્યાં હતા. ભારે વરસાદના પગલે  નીચાણવાળા વિસ્તારોમાં પાણી ભરાતા અનેક લોકોના ઘરમાં પાણી ઘૂસી ગયેલા જોવા મળ્યા હતા.