શ્રીલંકાએ ભારતની રણનીતિક ડીલના મોર્ચે મોટા ઝટકો આપ્યો છે. હકિકતમાં ભારત અને જાપાનની સાથે મળીને શ્રીલંકા એક પોર્ટ ટર્મિનલ બનાવવા માટેની સમજૂતી પર હસ્તાક્ષર કર્યા હતા. પરંતુ વિપક્ષે દેશમાં એક અઠવાડિયાથી ચાલી રહેલા વિરોધને કારણે પ્રધાનમંત્રી મહિંદ્રા રાજપક્ષે ડીલને રદ્દ કરવાની જાહેરાત કરી છે. હિંદ મહાસાગરમાં પોતાની મજબૂત હાજરી નોંધાવવા પ્રયાસ કરી રહેલા ભારત માટે આ મોટો ઝટકો મનાઈ રહ્યો છે.
ટ્રેડ યૂનિયન્સ ભારત- જાપાન સાથે સમજૂતી પર કરી રહ્યા હતા વિરોધ
શ્રીલંકા કૈબિનેટે આપી હતી ડીલને મંજૂરી
હિંદ મહાસાગરમાં ભારત માટે મહત્વની હતી આ ડીલ
શ્રીલંકાએ કરી હતી આ સમજૂતી
શ્રીલંકાએ બન્ને દેશોની સાથે સમજૂતી હઠળ રણનીતિક દ્રષ્ટિથી મહત્વપૂર્ણ ઈસ્ટ કન્ટેનર ટર્મિનલ (ECT) બનાવવાનો નિર્ણય કર્યો હતો. આ ડીલમાં ટર્મિનલના 49 ટકા ભાગ ભારત અને જાપાનની પાસે હોત. શ્રીલંકા પોર્ટ ઓથોરિટી પાસે આમાં 51 ટકા ભાગ હોય છે. શ્રીલંકાએ કહ્યું હતું કે તે ECTનું નિર્માણ ભારત અને જાપાન સાથે મળીને કરશે.
ટ્રેડ યૂનિયન્સ ભારત- જાપાન સાથે સમજૂતી પર કરી રહ્યા હતા વિરોધ
ભારત અને જાપાનની સાથે આ સમજૂતીનો કોલંબો પોર્ટ ટ્રેડ યુનિયન્સ વિરોધ કરી રહ્યા હતા. યૂનિયન્સની માંગ હતી કે ECT પર સંપૂર્ણ શ્રીલંકા પોર્ટનો અધિકાર હોય. એટલે કે 100 ટકા ભાગ તેમના હિસ્સે આવે. 23 ટ્રેડ યૂનિયન્સે પોર્ટ ડીલનો વિરોધ કર્યો હતો. યૂનિયન્સનો આરોપ હતો કે ભારતની અદાણી ગ્રુપ સાથે ECT સમજૂતી યોગ્ય નથી.
સત્તારુઢ પાર્ટી સાથે જોડાયેલા છે મોટા ભાગના યૂનિયન્સ
આ સમજૂતિનો વિરોધ કરી રહેલા મોટાભાગના યૂનિયન્સ સત્તારુઢ શ્રીલંકા પીપુલ્સ પાર્ટી સાથે જોડાયેલા છે. તેમના વિરોધ બાદ સરકાર આ ડીલ પર આગળ નહીં વધે.
શ્રીલંકા કૈબિનેટે આપી હતી ડીલને મંજૂરી
શ્રીલંકામાં ભારતીય હાઈ કમિશને કહ્યું કે ભારતને આશા છે કે આ સમજૂતી સમય પર પુરી થશે. 2019માં આ ડીલ પર સાઈન થયા હતા. શ્રીલંકાની કેબિનેટે આ ડીલને 3 મહિના પહેલા લીલી ઝંડી આપી હતી. પરંતુ ડીલનો શ્રીલંકાના ટ્રેડ યુનિયન્સ અને વિપક્ષી પાર્ટી વિરોધ કરી રહી હતી.
હિંદ મહાસાગરમાં ભારત માટે મહત્વની હતી આ ડીલ
પડોશી ચીનની સરખામણીએ ભારત પણ સમુદ્રમાં મોટી તાકાત વધારવા માટે શ્રીલંકાની સાથે આ ડીલ કરી હતી. હવે શ્રીલંકાએ આ સમજૂતીને રદ્દ કરવી ભારત માટે એક રણનીતિક ઝટકો મનાઈ રહ્યો છે.
ચીનના દેવામાં ફસાયેલું છે શ્રીલંકા
ચીન શ્રીલંકાના એ મહત્વકાંક્ષી યોજના બેલ્ટ એન્ડ રોડનું મહત્વનું પાત્ર મનાઈ રહ્યું છે. ડ્રેગન ગત દશકથી શ્રીલંકામાં મહત્વની પરિયોજનાઓ માટે અરબો ડોલરની લોન આપી હતી. જો કે વિશેષજ્ઞોનું કહેવું છે કે શ્રીલંકાને ચીન દ્વારા આપવામાં આવેલા લોનથી લાભ નથી થવાનો તેને પાછી કરવામાં સમસ્યાનો સામનો કરવો પડી શકે છે.