કાબૂલ એરપોર્ટ પર ISISના હુમલાની માહિતીથી અમેરિકન અધિકારીઓની ચિંતા વધી છે.
કાબૂલ એરપોર્ટ પર ISISના હુમલાની માહિતીએ અમેરિકાની ચિંતા વધારી
અમેરિકન નાગરિકોને એરપોર્ટ ન આવવાની સલાહ
અમેરિકનોને સુરક્ષિત કાઢવા એડવાઈઝરી જારી કરાઈ
કાબૂલ એરપોર્ટ પર ISISના હુમલાની માહિતીએ અમેરિકાની ચિંતા વધારી
અફઘાનિસ્તાનની સ્થિતિ જોઈ લોકો દેશ છોડી રહ્યા છે. કાબૂલ એરપોર્ટ પર દર રોજ હજારો સંખ્યામાં લોકો પહોંચી રહ્યા છે. તેવામાં એરપોર્ટ પર પહોંચનારી ભીડ પર સંગઠન ISISના હુમલાની માહિતીથી અમેરિકન અધિકારીઓની ચિંતા વધી છે. આ સૂચના બાદ અમેરિકન સૈનિકોએ કાબૂલ એરપોર્ટ પર સુરક્ષા વધારી દીધી છે. સાથે અમેરિકાએ પોતાના નાગરિકોને કાબૂલ એરપોર્ટ તાત્કાલિક છોડવા કહ્યું છે. તેમજ હાલ નહીં આવવાની ચેતવણી આપી છે.
The State Department warned US citizens at the gates outside of the airport in Kabul to leave "immediately" due to threats.
"US citizens who are at the Abbey Gate, East Gate, or North Gate now should leave immediately," a security alert from the US Embassy in Kabul said. pic.twitter.com/iJb3WB3ClI
અમેરિકાના વિદેશ વિભાગે પોતાની ચેતવણીમાં કહ્યું કે કાબૂલ એરપોર્ટના ગેટની બહાર શક્ય સુરક્ષા સંકટના કારણે અમે અમેરિકન નાગરિકોને એરપોર્ટ ન આવવાની સલાહ આપી રહ્યા છીએ. જ્યાં સુધી અમેરિકન પ્રતિનિધિ તમને ન કહે ત્યાં સુધી એરપોર્ટ ગેટ પર આવવાથી બચે. કાબૂલમાં અમેરિકન દૂતાવાસ તરફથી જારી એક સુરક્ષા એલર્ટમાં કહેવામાં આવ્યું છે કે અમેરિકન નાગરિક જે એબી ગેટ ઈસ્ટ ગેટ અથવા નોર્થ પર છે તેમને તાત્કાલિક કાઢવા જોઈએ.
અમેરિકનોને સુરક્ષિત કાઢવા એડવાઈઝરી જારી કરાઈ
ભીડના કારણે અમેરિકા અને અન્ય દેશોના રાજનાયિકો, દૂતાવાસના સ્ટાફ, નાગરિકો અને તેમની સાથે કામ કરી ચૂકેલા અફઘાનિઓને કાઢવામાં મુશ્કેલી આવી રહી છે. સ્થિતિ એટલી ખરાબ થઈ ગઈ છે કે મા-બાપ પોતાના બાળકોને એરપોર્ટની દિવાલોથી ચઢાવી રહ્યા છે. ભીડ કન્ટ્રોલ કરવા અને લોકોને સુરક્ષિત કાઢવા માટે અમેરિકન દૂતાવાસના અધિકારીઓએ એક એડવાઈઝરી જારી કરી છે. જેમાં જણાવવામાં આવ્યું છે કે કોણ કોણ હામિદ કરજઈ ઈન્ટરનેશનલ એરપોર્ટ પર પહોંચી શકે છે. ઉલ્લેખનીય છે કે શનિવારે કાબૂલ એરપોર્ટ પર ભાડ દોડથી 7ના મોત થયા હતા.
એડવાઈઝરી
એડવાઈઝરીમાં કહેવામાં આવ્યું છે કે જો તમે એક અમેરિકન નાગરિક છો. અમેરિકાના કાયદેસરના સ્થાનિક નિવાસી, અપ્રવાસી વીઝા આવેદક છો અથવા અમેરિકન સરકારથી સંબદ્ધ છો અને તમને હામિદ કરજઈ આંતરરાષ્ટ્રીય એરપોર્ટથી પ્રવાસ કરવા માટે વિશિષ્ટ નિર્દેશ પ્રાપ્ત છે તો તમે આપવામાં આવેલા નિર્દેશોનું પાલન કરે.
જો તમે SIV અથવા P1/P2ની પ્રક્રિયા શરુ કરી છે તો તમને આવતા તબક્કા અંગે નિર્દેશ આપવામાં આવશે. પરંતુ કૃપ્યા સમજો કે આ પ્રક્રિયાના સમયમાં વિસ્તાર થઈ શકે છે.
જો તમે ઉપરોક્ત ગ્રુપોમાં ભાગ નથી પરંતુ અફઘાનિસ્તાન છોડવાની માંગ કરી રહ્યા છે અને ખાલી કરવા માટે એક સંગઠિત ખાનગી પ્રયાસનો ભાગ છે તો કૃપ્યા એરપોર્ટ પર ત્યાં સુધી ન આવો જ્યાં સુધી તમને એરપોર્ટના અમારા ઉડાન આયોજક તરફથી પ્રવાસ કરવા માટે વિશિષ્ટ નિર્દેશ પ્રાપ્ત ન થાય.
આ ઉપરાંત જો તમારી પાસે એક સત્યાપિત આમંત્રણ નથી તો તમે એરપોર્ટમાં અથવા નિકાસી ઉડાનમાં જવાની પરવાનગી નહીં આપવામાં આવે.
ઓસ્ટ્રેલિયાએ પોતાના નાગરિકોને આપી આ સલાહ
અમેરિકા ઉપરાંત ઓસ્ટ્રેલિયા અને બ્રિટને પણ પોતાના નાગરિકોને કાબૂલ એરપોર્ટ ન આવવાની સલાહ આપી છે. ઓસ્ટ્રેલિયાએ કહ્યું કે આતંકવાદી હુમલો થવાની શક્યતા છે. તેમણે કહ્યું કે એરપોર્ટ પર હાજર ઓસ્ટ્રેલિયાના નાગરિકને સુરક્ષિત જગ્યાએ જવા અને આગળના આદેશની રાહ જોવા સલાહ આપી છે. ઓસ્ટ્રેલિયાના વિદેશ મંત્રી મોરિસે પાયનેએ કહ્યું કે આ પ્રવાસ એડવાઈઝરી બ્રિટન અને ન્યૂઝિલેન્ડ સાથે સંશોધિત પ્રવાસ સલાહ સમાન છે.
બ્રિટને પણ પોતાના નાગરિકોને એરપોર્ટથી દૂર રહેવા કહ્યું
બ્રિટનની સરકારે કાબૂલ એરપોર્ટ પર આતંકવાદી હુમલો થવાની આશંકા વ્યક્ત કરતા અફઘાનિસ્તાનમાં પોતાના નાગરિકોને એરપોર્ટથી દૂર રહેવાની સલાહ આપી છે. વિદેશ મંત્રાલયે કહ્યું કે એરપોર્ટ વિસ્તારથી લોકોને સુરક્ષિત સ્થાન પર જવા અને આગળના આદેશની રાહ જોવા કહ્યુ છે.