37 વર્ષીય આ મહિલાએ 7 જુનના રોજ 10 બાળકોને જન્મ આપ્યો હોવાનો દાવો કર્યો છે
મહિલાએ એક જ ડિલીવરીમાં એક સાથે 10 બાળકોને જન્મ આપી નવી રેકોર્ડ સર્જયો
બીજી એક મહિલાએ એક સાથે 9 બાળકોને જન્મ આપ્યો હતો
બધા બાળકોને અમુક મહિનાઓ સુધી ઇન્કયુબેટરમાં રાખવામાં આવશે
મહિલાએ એક જ ડિલીવરીમાં એક સાથે 10 બાળકોને જન્મ આપી નવી રેકોર્ડ સર્જયો
દક્ષિણ આફ્રિકાની એક મહિલાએ એક જ ડિલીવરીમાં એક સાથે 10 બાળકોને જન્મ આપી નવી રેકોર્ડ સર્જયો છે. પ્રિટોરિયામાં રહેતી આ મહિલાનું નામ ગોસિયામે થમારા છે. તેણે જન્મ આપલે બાળકોમાં 7 છોકરા અને 3 છોકરીઓ છે. આ માટે તેનું ઓપરેશન કરવામાં આવ્યું હતું. 37 વર્ષીય આ મહિલાએ 7 જુનના રોજ 10 બાળકોને જન્મ આપ્યો હોવાનો દાવો કર્યો છે. આ તેની બીજી ડિલિવરી હતી. તેણે પોતાની પહેલી ડિલિવરીમાં પણ બે જુડવા બાળકોને જન્મ આપ્યો હતો. આ મહિલાએ ત્યાંનાં અખબારમાં કહ્યું હતું કે તેણે આ પ્રેગ્નેન્સી એકદમ પ્રાકૃતિક રીતે ધારણ કરી હતી. પણ આ પ્રેગ્નેન્સી આટલી સરળ ન હતી. આ સમયગાળા દરમિયાન તેણે હ્રદય અને પગમાં ઘણી તકલીફો થઈ હતી.
બીજી એક મહિલાએ એક સાથે 9 બાળકોને જન્મ આપ્યો હતો
હજી સુધી ગીનસ બુક ઓફ વર્લ્ડ રેકોર્ડની ટીમે આ વાતની પુષ્ટિ કરી નથી, પણ ટૂંક જ સમયમાં આ રેકોર્ડ આ મહિલાના નામે બની શકે છે. આ પહેલા આ રેકોર્ડ એક બીજી મહિલાના નામે છે. ગયા મહિને પશ્ચિમ આફ્રિકાની બીજી એક મહિલાએ એક સાથે 9 બાળકોને જન્મ આપ્યો હતો. 25 વર્ષની મહિલાએ 9 બાળકોને જન્મ આપ્યા બાદ આખી દુનિયામાં આ વાત ચર્ચાનો વિષય બની ગઈ હતી. મહિલાએ બાળકોને જન્મ આપ્યા બાદ તેના સ્વાસ્થ્યમાં અમુક મુશ્કેલીઓ આવવાના કારણે તેને મોરક્કોમાં સારવાર માટે મોકલવામાં આવી હતી. સાથે જ 9 બાળકોને પણ ત્યાં વધુ સારવાર માટે મોકલવામાં આવ્યા હતા. હવે બાળકોની તબિયતમાં ઘણો સુધાર છે પરંતુ તેમને હજુ પણ હોસ્પિટલમાં દાખલ રાખવામાં આવ્યા છે.
બધા બાળકોને અમુક મહિનાઓ સુધી ઇન્કયુબેટરમાં રાખવામાં આવશે
આ ડિલિવરી દરમિયાન ડોકટરોને ઓન ચિંતા હતી કે કદાચ બાળકો જીવિત રહે અને ગોસિયામે થમારા કદાચ બચી ન પણ શકે. પણ આશ્ચર્યયની વાત એ છે કે 10 બાળકો અને તેની માતા એકદમ સ્વસ્થ રહ્યા. પણ આ બધા બાળકોને અમુક મહિનાઓ સુધી ઇન્કયુબેટરમાં રાખવામાં આવશે. 10 બાળકોને જન્મ આપ્યા બાદ તે ઘણી ખુશ છે. પરંતુ તેમને હજુ પણ 2 મહિના ઓબ્ઝરવેશનમાં રાખવામાં આવશે. પહેલા તેમને શ્વાસ લેવામાં તકલીફ થઈ રહી હતી. હવે તેમાંથી તે બહાર આવી ગયા છે. 10 ડોક્ટરો અને 25 નર્સોની ટીમ તેમની દેખરેખ કરી રહી છે.