આ દેશમાં પહેલેથી જ પુરુષો એક કરતાં વધુ લગ્ન કરી શકે તેવો કાયદો છે. હવે આવું જ કઇંક સરકાર પણ મહિલાઓ માટે કરવા જઈ રહી છે.
મહિલાઓ એકથી વધુ પતિ રાખી શકે
પુરુષ એક કરતાં વધુ પત્નીઓ રાખી શકે છે
ઝિમ્બાબ્વેમાં મહિલાઓ રાખી શકે છે એકથી વધુ પતિ
મહિલાઓ એકથી વધુ પતિ રાખી શકે
દક્ષિણ આફ્રિકની સરકાર તેમણે પોતે બહાર પાડેલા એક વિવાદસ્પદ પ્રસ્તાવને લઈને ચર્ચામાં છે. આ પ્રસ્તાવ અનુસાર, મહિલાઓ એકથી વધુ પતિ રાખી શકે છે. આ દેશમાં પહેલેથી જ પુરુષો એક કરતાં વધુ લગ્ન કરી શકે તેવો કાયદો છે. હવે આવું જ કઇંક હવે સરકાર પણ મહિલાઓ માટે કરવા જઈ રહી છે. આનાથી બિલકુલ વિરુદ્ધ દક્ષિણ આફ્રિકાના પાડોશી દેશ ઝિમ્બાબ્વેમાં મહિલાઓને એકથી વધુ પતિ રાખવા માટેની છૂટ છે. એક રિપોર્ટમાં સામે આવ્યું કે આવા પ્રકારના લગ્ન માટે પહેલી પહેલ હંમેશા મહિલાઓ દ્વારા કરવામાં આવે છે.
પુરુષ એક કરતાં વધુ પત્નીઓ રાખી શકે છે
પરંતુ આ નિર્ણયને લઈ દક્ષિણ આફ્રિકાનું રૂઢિવાદી સંગઠન નારાજ છે. આટલું જ નહીં, ત્યાંનાં જાણીતા બિઝનેસમેન અને ટીવીના લોકપ્રિય વ્યક્તિ મુસા મસેલેકું પણ આ પ્રસ્તાવના વિરોધમાં ઊભા રહી ગયા છે. તેમણે કહ્યું કે આ પ્રસ્તાવના આધારે નિયમ લાગુ પાડવાથી દક્ષિણ આફ્રિકાની સંસ્કૃતિ નષ્ટ થઈ જશે. મુસાનું આ મામલે કહેવું છે કે મહિલાઓ ક્યારેય પુરુષોનું જગ્યા નથી લઈ શકતી. તમને જણાવી દઈએ કે આફ્રિકાના કલ્ચરમાં દુલ્હનની કિંમત કરવામાં આવે છે જે પુરુષો દ્વારા નક્કી થાય છે.
ઝિમ્બાબ્વેમાં મહિલાઓ રાખી શકે છે એકથી વધુ પતિ
મુસા દ્વારા એ પણ પૂછવામાં આવ્યું કે છેલ્લે આ પ્રકારના સંબંધોમાં બાળકોનો શું હાલ થશે? તેણે કહ્યું કે પુરુષ જો એક કરતાં વધુ લગ્ન કરે છે તો આ એક પ્રચલિત પ્રથા કહેવાય છે. પણ જો મહિલાઓ આવું કરશે તો મહિલાઓ આ સહન નહીં કરી શકે કારણકે પુરુષો મહિલાઓ કરતાં વધુ ઈર્ષાળુ હોય છે. છેલ્લે આખો સમાજ વિખરાય જશે. અચરજની વાત એ છે કે મુસાને પોતાની ચાર પત્નીઓ છે પણ તેને મહિલાઓ માટે બનાવવામાં આવી રહેલ આ કાયદાને લઈ પરેશાની છે. આ નિયમ આફ્રિકાના ગૃહવિભાગ દ્વારા પ્રસ્તાવિત છે અને તેને ગ્રીન પેપરમાં સામેલ કરવાની ડિમાન્ડ છે.