કોરોના વાયરસથી હવે વિશ્વની સૌથી ઊંડી સોનાની ખાણ પ્રભાવિત થઈ છે. હવે અહીં કામ અટકી ગયું છે. દક્ષિણ આફ્રિકામાં પોનેંગ ગોલ્ડ માઇન્સમાં કામ કરતા 164 લોકોને કોરોના વાયરસનો ચેપ લાગ્યો છે. આ પછી આ ખાણ ચલાવનારી કંપની એંગ્લોગોલ્ડ અશાંતિએ અહીં કામ કરવાનું બંધ કરવા સૂચનાઓ જારી કરી છે.
ઉલ્લેખનીય કે આ સમયે દક્ષિણ આફ્રિકામાં 22,500 થી વધુ કોરોના કેસ છે. જ્યારે કોરોનાના કારણે 429 લોકોનાં મોત નીપજ્યાં છે. એંગ્લોગોલ્ડ અશાંતિ કહે છે કે બધા ચેપગ્રસ્ત કામદારોને આઇસોલેશનમાં રાખવામાં આવ્યા છે. સામાન્ય દિવસોમાં દરરોજ 4 હજાર કામદારો માઇનિંગ માટે જમીનની અંદર જતા હોય છે. આ ખાણ એટલી ઊંડી છે કે તેમાં 10 એમ્પાયર સ્ટેટ બિલ્ડિંગ્સ સમાઈ જાય. આ ખાણની અંદરની કુલ ટનલોની લંબાઈ 380 કિમી છે.
એક મહિનાની રજા બાદ કામ શરૂ થયું
કંપનીએ એમ પણ કહ્યું છે કે ગયા અઠવાડિયે કોરોના સંક્રમનંનો પહેલો કેસ પ્રકાશમાં આવ્યા બાદ 650 કર્મચારીઓની તપાસ કરવામાં આવી હતી. આ ખાણ એક મહિના પહેલા બંધ કરવામાં આવી હતી. પરંતુ તેમાં ગયા મહિનાથી કામ શરૂ થયું હતું. પરંતુ હવે તેને ફરીથી બંધ કરવાનો સમય આવી ગયો છે.
કોરોના વાયરસથી બચવા માટે માર્ચમાં દક્ષિણ આફ્રિકામાં લોકડાઉન લાદવામાં આવ્યું હતું. આ સમય દરમિયાન કોઈ પણ સોનાની ખાણમાં કોઈ કામ કરવામાં આવતું ન હતું. ચેપ લાગનારા લોકોમાં કોરોનાના કોઈ લક્ષણો જોવા મળ્યા નથી. ઊંડી ખાણોમાં કામ કરતા કેટલાક કર્મચારીઓએ કામ પર પાછા ફરવા અંગે ચિંતા વ્યક્ત કરી છે.
ખાણમાં સોશ્યલ ડિસ્ટન્સિંગ મેન્ટેઇન કરવું મુશ્કેલ
ખાણના કામમાં સૌથી મોટી સમસ્યા એ છે કે આ કામ કરતી વખતે સોશ્યલ ડિસ્ટન્સિંગ મેન્ટેઇન કરવું ખૂબ જ મુશ્કેલ છે. મેની શરૂઆતમાં લેબર યુનિયને કોર્ટમાં કેસ જીત્યો ત્યારબાદ સરકારે કામદારોની સલામતી માટે કડક માર્ગદર્શિકા જારી કરવી પડી હતી.
આ સોનાની ખાણ 4 કિલોમીટર ઊંડી છે
પોનેંગ ગોલ્ડ માઇન દક્ષિણ આફ્રિકાના જોહાનિસબર્ગની દક્ષિણ પશ્ચિમમાં સ્થિત છે. ખાણની ઊંડાઈ પૃથ્વીની અંદર લગભગ 4 કિલોમીટર છે. સોનાની ખાણો દક્ષિણ આફ્રિકાના વેસ્ટ વિટ્સના ક્ષેત્રમાં વેપર્સડોર્પ કોન્ટેક્ટ રીફ (VCR)માં મળી આવે છે. પોનેંગમાં જમીનની નીચેની સૌથી ઊંડી ખાણોમાં ગ્રિડ આયર્ન તકનીકનો ઉપયોગ કરીને સોનાનું નિષ્કર્ષણ કરવામાં આવે છે.