દક્ષિણ આફ્રિકા સામેની t20 શ્રેણીમાં ભારતનો સતત બીજો પરાજય થયો છે. બ્લૂ બ્રિગેડનાં ધૂરાંધરોનો ફ્લોપ શો યથાવત રહ્યો, ભુવનેશ્વરની મહેનત કામ ન લાગી અને ચાર વિકેટે દ. આફ્રિકા જીત્યું હતું.
સતત બીજી ટી-20 મેચમાં હાર્યું ભારત
દક્ષિણ આફ્રિકાનો ચાર વિકેટે વિજય
5 મેચની શ્રેણીમાં 2-0 થી આગળ
દક્ષિણ આફ્રિકાએ ભારતને હરાવ્યું
કટકના બારાબતી સ્ટેડિયમમાં રમાયેલી બીજી T20માં પણ દક્ષિણ આફ્રિકાએ ભારતને ચાર વિકેટે હરાવ્યું હતું.
#INDvsSA 2nd T20I: South Africa defeat India by 4 wickets in Cuttack. India trail 0-2 in 5-match T20I series.
આ જીત સાથે દક્ષિણ આફ્રિકાએ પાંચ મેચની T20I શ્રેણીમાં 2-0ની લીડ મેળવી લીધી છે. T20માં સતત 12 મેચ જીત્યા બાદ ટીમ ઈન્ડિયા હવે સતત બે મેચ હારી ગઈ છે. ટીમ ઈન્ડિયાની બેટિંગ ફ્લોપ રહી હતી. ભુવનેશ્વર કુમાર સિવાય, અન્ય તમામ બોલરો બોલિંગમાં નબળા સાબિત થયા. ભુવનેશ્વરે ચાર વિકેટ ઝડપી હતી.
ફરી ટોસ હર્યો કેપ્ટન પંત
ટોસ હાર્યા બાદ પ્રથમ બેટિંગ કરતા ભારતે 20 ઓવરમાં છ વિકેટ ગુમાવીને 148 રન બનાવ્યા હતા. શ્રેયસ અય્યરે 40 રન બનાવ્યા હતા. તે જ સમયે, દિનેશ કાર્તિકે 21 બોલમાં અણનમ 30 રનની ઇનિંગ રમી હતી. જવાબમાં દક્ષિણ આફ્રિકાએ 18.2 ઓવરમાં 6 વિકેટ ગુમાવીને લક્ષ્યનો પીછો કરી લીધો હતો.
હેનરિક ક્લાસને તોફાની ઇનિંગ્સ રમી હતી. તેણે 46 બોલમાં સાત ચોગ્ગા અને પાંચ છગ્ગાની મદદથી 81 રન બનાવ્યા હતા. સાઉથ આફ્રિકાએ તેની ઇનિંગની મદદથી મેચ જીતી લીધી હતી.