ભારતીય મહિલા ક્રિકેટ ટીમે સુરતમાં મંગળવારે રમાયેલી ચોથી T-20 મેચમાં સાઉથ આફ્રિકાને 51 રનથી હરાવી દીધુ. આ જીત પછી ભારત 5 મેચની T-20 સીરિઝમાં 2-0થી આગળ વધી છે. બંને ટીમની વચ્ચે બીજી અને ત્રીજી મેચ વરસાદને કારણે રદ્દ કરવામાં આવી હતી, જ્યારે ભારતે પહેલી મેચ 11 રનથી જીતી હતી. બંને ટીમની વચ્ચે પાંચમી અને અંતિમ T-20 મેચ આ ગ્રાઉન્ડ પર શુક્રવારે રમાશે.
વરસાદને કારણે ગ્રાઉન્ડ ભીનું થવાને કારણે ચોથી મેચને 17-17 ઑવર્સની કરી દેવામાં આવી હતી, જેમાં ભારતે પહેલા બેટિંગ કરતા 4 વિકેટ ગુમાવીને 140 રન કર્યા છે.
India seal a series win over South Africa!
The hosts win by 51 runs – Poonam Yadav starred with the ball, taking 3/13 from her three overs as South Africa finished their 17 overs on 89/7.
ભારત તરફથી મળેલા 141 રનનો ટાર્ગેટ પૂરો કરવા માટે આવેલા સાઉથ આફ્રિકાની ટીમે એક સમય પર 3 વિકેટ ગુમાવીને 65 રન કર્યા હતા, જે પછી મહેમાન ટીમે સતત 4 વિકેટ ગુમાવી. નિયમિત સમય પર વિકેટ ગુમાવતા સાઉથ આફ્રિકાની ટીમે નિર્ધારિત 17 ઑવર્સમાં 7 વિકેટ ગુમાવીને 89 રન કર્યા. સાઉથ આફ્રિકા માટે લુરા વોર્લ્વાર્ટે સર્વાધિક 23 અને તજમીન બિટ્સે 20 રનનું યોગદાન આપ્યો. ભારતની તરફથી પૂનમ યાદવે 13 રન પર 3 વિકેટ, રાધા યાદવે 2 તથા દીપ્તિ શર્માએ 1 વિકેટ લીધી. પૂનમને તેની શાનદાર બૉલિંગને કારણે પ્લેયર ધ મેચનું ટાઇટલ મળ્યુ.