અત્યાર સુધી તો સિંગર કનિકા કપૂરની બેજવાબદાર હરકતના કારણે દિગ્ગજ ભારતીયો અને નેતા સામેલ હતા, પરંતુ હવે લાગી રહ્યુ છે કે, તેના લીધે સાઉથ આફ્રિકાના ખેલાડીઓની પણ મુશ્કેલી વધી શકે છે.
તમે જાણતા જ હશો કે કનિકા કપૂરને કોરોના પોઝિટિવ છે, જેના કારણે તેની હાલમાં સારવાર ચાલી રહી છે, પરંતુ સમય વિતવાની સાથે સાથે નવા ખુલાસાઓ થઇ રહ્યા છે, કનિકા ક્યાં ક્યાં ગઇ હતી કોણે કોણે મળી રહી હતી તેના ખુલાસો સામે આવી રહ્યા છે. એક રિપોર્ટ અનુસાર, કનિકા કપૂર હવે સાઉથ આફ્રિકાની ટીમની મુશ્કેલી વધી શકે છે.
થોડા સમય પહેલા સાઉથ આફ્રિકાની ક્રિકેટ ટીમ ભારતના પ્રવાસે 3 વનડે મેચ રમવા માટે આવી હતી. પરંતુ કોરોના વાયરસને કારણે સીરિઝને રદ્દ કરવામાં આવી અને મહેમાન ટીમ એકપણ મેચ રમ્યા વગર પાછી જતી રહી. પરંતુ હવે કોરોના વાયરસને કારણે ચપેટમાં સાઉથ આફ્રિકાના ક્રિકેટર્સ આવી શકે છે અને તેનો સંબંધ સીધા કનિકા કપૂર સાથે છે.
એક રિપોર્ટ અનુસાર, લખનૌમાં 1000 થી વધારે લોકો કામ સોંપવામાં આવ્યુ છે કે, કનિકા કપૂરના 11 માર્ચના પ્રવાસથી શહેરના કોના કોના સાથે મુલાકાત થઇ હતી. મહત્વપૂર્ણ છે લંડનથી પાછી ફરેલી લખનૌમાં ફાઇવ સ્ટાર હોટલમાં રોકાઇ હતી. આ જ હોટલમાં સાઉથ આફ્રિકાની ટીમ રોકાઇ હતી.
એવી જાણકારી મળી હતી કે, કનિકાએ હોટલમાં બૂફેમાંથી ફૂડ ખાવા ઉપરાંત ઘણા લોકો સાથે મુલાકાત કરી હતી. એવી ચર્ચા છે કે સાઉથ આફ્રિકાના ખેલાડીઓએ પણ એજ બૂફેમાંથી ભોજન કર્યુ હતુ. આ ચર્ચા પછી સાઉથ આફ્રિકાનું ક્રિકેટ બોર્ડ દોડતું થઇ ગયુ છે.
ઉલ્લેખનીય છે કે, સાઉથ આફ્રિકાના ખેલાડીઓને 14 દિવસ માટે આઇસોલેશનમાં જવાની સલાહ આપવા આવી છે. સાઉથ આફ્રિકાના ખેલાડીઓએ આ વાત માનીને આઇસોલેશનમાં પણ ચાલ્યા ગયા છે.