સાઉથ આફ્રિકામાં મળેલા કોરોનાના ખતરનાક B.1.1.529 વેરિયન્ટ દુનિયામાં ફેલાવા લાગ્યો છે, ઈઝરાયલમાં પહેલો કેસ મળ્યો છે.
ઈઝરાયલના અધિકારીઓએ જણાવ્યું કે સાઉથ આફ્રિકાના ખતરનાક B.1.1.529 વેરિયન્ટનો પહેલો કેસ દેશમાં મળ્યો છે. દર્દીને આઈસોલેટ કરાયો છે અને તેના ટ્રેસિંગ કોન્ટેક્ટ શોધવામાં આવી રહ્યાં છે. અધિકારીઓએ કહ્યું કે આફ્રિકી દેશ મલાવીની યાત્રા કરીને પરત આવનાર વ્યક્તિ B.1.1.529 વેરિયન્ટથી સંક્રમિત થયો છે.
ઈઝરાલમાં લોકડાઉન જેવી ઇમરજન્સી લગાડવાની તૈયારી
ઈઝરાયલના પ્રધાનમંત્રી નફ્તાલી બેનેટે સ્વાસ્થ્ય અધિકારીઓ સાથે તાકીદની બેઠક કરી અને સ્થિતિની સમિક્ષા કરી હતી. બેઠક બાદ પ્રધાનમંત્રીએ જણાવ્યું કે અમે ઈમરજન્સી જેવી સ્થિતિમાં આવ્યા છીએ. લોકડાઉનની વિચારણા ચાલી રહી છે.
કોરોના વાયરસના પ્રકોપથી થોડી રાહત મળ્યા બાદ જીવન ધીરે ધીરે પાટા પર આવી રહ્યું છે, પરંતુ ફરી એકવાર મોટા ખતરાની ઘંટડી વાગી છે. વૈજ્ઞાનિકો 'બોત્સ્વાના વેરિએન્ટ' અંગે ખૂબ જ ભયભીત છે અને વિશ્વને ચેતવણી આપી રહ્યા છે. નવા વેરિએન્ટ દ્વારા ઉભા થયેલા ખતરાને ધ્યાનમાં રાખીને વર્લ્ડ હેલ્થ ઓર્ગેનાઇઝેશન પણ સતર્ક બની ગયું છે. તો શું વિશ્વમાં કોરોનાની ત્રીજી લહેર આવશે તે વિશે મોટી ચિંતા ઊભી થઈ છે. (2) નવા વેરિઅન્ટને 'બોત્સ્વાના વેરિએન્ટ' કેમ કહેવામાં આવે છે?
હકીકતમાં, વાયરસના પ્રકારને કોઈ દેશના નામ પર રાખવાની કોઈ સત્તાવાર પરવાનગી નથી. વર્લ્ડ હેલ્થ ઓર્ગેનાઇઝેશન (ડબ્લ્યુએચઓ)એ સૂચના આપી છે કે કોઈ વેરિએન્ટને તેના મૂળ દેશ તરીકે નામ ન આપવું જોઈએ. તેમ છતાં, સામાન્ય ભાષામાં, નવા વેરિએન્ટને તે દેશ તરીકે ચિહ્નિત કરવામાં આવ્યું છે જ્યાં તે વેરિએન્ટનો દર્દી જોવા મળે છે. આ અઠવાડિયે, એસ. આફ્રિકામાં એક નવો વેરિએન્ટ દર્દી મળી આવ્યો હતો, અને પછી બોત્સ્વાના સહિત અન્ય પડોશી દેશોમાં ફેલાયો હતો. બોત્સ્વાનાને સૌથી વધુ 32 મ્યુટેશન B.1.1.529 મળ્યા હોવાથી તેને 'બોત્સ્વાના વેરિએન્ટ' તરીકે પણ ઓળખવામાં આવે છે.
3. હાલમાં બોત્સ્વાના વેરિએન્ટના કેટલા દર્દીઓ છે?
આ વેરિએન્ટના અત્યાર સુધીમાં 125 થી વધુ દર્દીઓ વિશ્વભરમાં મળી આવ્યા છે. દક્ષિણ આફ્રિકામાં સૌથી વધુ ૧૦૦ કેસ નોંધાયા છે. આ ઉપરાંત બોત્સ્વાનામાં લગભગ 10, હોંગકોંગમાં બે અને ઇઝરાયલમાં એક દર્દીઓ મળી આવ્યા છે. જોકે, તે ખૂબ ઝડપથી ફેલાય તેવી આશંકા હોવાથી ખળભળાટ મચી ગયો છે.
4. આ વેરિએન્ટને કેટલો ખતરનાક
વિશ્વભરના નિષ્ણાતો આ પ્રકારના વેરિયન્ટને એક મોટો ખતરો ગણી રહ્યા છે. નિષ્ણાતોના મતે B.1.1.529 વેરિએન્ટમાં ચેપ વધુ ઝડપી ગતિએ ફેલાશે તેવી સંભાવના છે. લંડનની ઇમ્પિરિયલ કોલેજના વાયરસ નિષ્ણાત ડો. ટોમ પીકોકે આ અઠવાડિયાની શરૂઆતમાં તેમના ટ્વિટર એકાઉન્ટ પર વાયરસના નવા વેરિએન્ટની જાણ કરી હતી. તેમણે કહ્યું હતું કે, તે વિશ્વભરમાં મુખ્ય ડેલ્ટા સ્ટ્રેઇન સહિત અન્ય કોઈ પણ વેરિએન્ટ કરતાં વધુ ખરાબ થવાની ક્ષમતા ધરાવે છે. ત્યારથી વૈજ્ઞાનિકોની નજર આ વેરિઅન્ટ પર છે.