ત્રણ વનડે સીરિઝની પહેલી જ મેચમાં ટીમ ઈન્ડીયાને સાઉથ આફ્રિકાને હાથ પરાજય વેઠવાનો વારો આવ્યો છે.
સાઉથ આફ્રિકા અને ઈન્ડીયા વચ્ચે રમાઈ પહેલી વનડે
આફ્રિકાએ પહેલા બેટિંગ કરીને 50 ઓવરમાં 296 રન કર્યાં
બન્ને દેશ વચ્ચે ત્રણ સીરિઝની વનડે રમાઈ રહી છે
સાઉથ આફ્રિકા સામેની ત્રણ વનડે સીરિઝની પહેલી મેચમાં ટીમ ઈન્ડીયાનો હારનો સ્વાદ ચાખવો પડ્યો છે. સાઉથ આફ્રિકાએ પહેલી વનડેમાં ભારતને 31 રનથી પરાજય આપ્યો છે. પહેલા બેટિંગ કરીને આફ્રિકાએ 50 ઓવરમાં 4 વિકેટના નુકશાન પર 296 રન બનાવ્યાં હતા. જવાબમાં ટીમ ઈન્ડીયા 8 વિકેટ ગુમાવીને 50 ઓવરમાં 265 રન બનાવી શકી હતી, આ રીતે ભારતની 31 રનથી હાર થઈ હતી. ટીમ ઈન્ડીયાની સામે 297 રનનો ટાર્ગેટ હતો જેના જવાબમાં ટીમ ઈન્ડીયા 8 વિકેટના નુકશાન પર 265 રન કરી શકી. શિખર ધવને 799 અને વિરાટ કોહલીએ 51 રન કર્યાં હતા. શાર્દૂલ ઠાકુરે સારી બેટિંગનો પરિચય આપતા અણનમ રહીને 50 રન બનાવ્યાં.
ભારતીય મિડલ ઓર્ડર સદંતર ફેલ
લક્ષ્યનો પીછો કરતા ભારતની પ્રથમ વિકેટ કેપ્ટન કેએલ રાહુલ (12)ના રૂપમાં પડી હતી. ધવન અને કોહલીએ બીજી વિકેટ માટે 92 રન જોડ્યા હતા. 138ના સ્કોર પર શિખર ધવન (79)ની વિકેટ પડી હતી. આ પછી તો જાણે વિકેટોની લાઇન શરૂ થઈ ગઈ હતી. કોહલી (51), શ્રેયસ ઐયર (17), ઋષભ પંત (16) અને નવોદિત વેંકટેશ ઐયર (2) રન બનાવીને આઉટ થયા હતા. 138ના સ્કોર પર બીજી વિકેટ ગુમાવ્યા બાદ ભારતે 188ના સ્કોર પર છ વિકેટ ગુમાવી દીધી હતી. જોકે આઠમા નંબર પર બેટિંગ કરતા શાર્દુલ ઠાકુરે 43 બોલમાં અણનમ 50 રન બનાવ્યા હતા. વનડેમાં આ તેની પ્રથમ અડધી સદી હતી. બુમરાહે પણ અણનમ 14 રન બનાવ્યા હતા. બંને ટીમો વચ્ચે બીજી મેચ શુક્રવારે 21 જાન્યુઆરીએ પાર્લમાં રમાશે.
South Africa complete a 31-run win 👏🏻
The hosts go 1-0 up in the three-match ODI series 🎉
3 સીરિઝની વનડેમાં સાઉથ આફ્રિકાએ 1-0ની બઢત મેળવી લીધી છે. ટેસ્ટ સીરિઝમાં 1-2થી હાર્યા બાદ આશા હતી કે ટીમ ઈન્ડીયાનો હારનો સિલસિલો વનડેમાં અટકી જશે પરંતુ પહેલી જ વનડેમાં હારનો સામનો કરવો પડ્યો.
કોહલીએ બનાવ્યો મોટો રેકોર્ડ
આ મેચમાં કોહલીએ મોટો રેકોર્ડ બનાવ્યો છે. વિરાટ કોહલી પોતાની ઈનિંગ દરમિયાન નવમો રન ફટકારતાં જ વિદેશી ભૂમિ પર વન ડે ક્રિકેટમાં સૌથી વધુ રન બનાવનાર ખેલાડી બન્યો હતો. આ રેકોર્ડ નબળા ફોર્મ સામે ઝઝૂમી રહેલા વિરાટ કોહલીને થોડું મનોબળ આપશે. ખાસ વાત એ છે કે વિરાટ કોહલીએ સચિન તેંડુલકર કરતા આ રેકોર્ડ બનાવવા માટે ખૂબ ઓછી મેચો લીધી છે. તેંડુલકરે 147 મેચમાં 5065 રન તો કોહલીએ 108 મેચમાં 5066 રન પૂરા કરી લીધા છે.