દક્ષિણ આફ્રિકાના જોહાનિસબર્ગમાં બારમાં ફાયરિંગની ઘટના સામે આવી છે. આ હુમલામાં 14 લોકોના મોત થઈ ચુક્યા છે.
દક્ષિણ આફ્રિકામાં મોટી દુર્ઘટના
બારમાં થયો ગોળીબાર
અઠવાડીયામાં બીજી મોટી ઘટના ઘટી
દક્ષિણ આફ્રિકાના જોહાનિસબર્ગમાં બારમાં ફાયરિંગની ઘટના સામે આવી છે. આ હુમલામાં 14 લોકોના મોત થઈ ચુક્યા છે. તો વળી 3 લોકો ગંભીર રીતે ઘાયલ થયા છે. તેમને નજીકની હોસ્પિટલમા દાખલ કરવામા આવ્યા છે. પોલીસના જણાવ્યા અનુસાર જોહાનિસબર્ગના સોવેટો ટાઉનશિપના એક બારમાં ઉપરાઉપરી ફાયરિંગની ઘટના થઈ હતી.
પોલીસ આ મામલે તપાસ કરી રહી છે. ઘટના શનિવાર મોડી રાતે થઈ હતી. અહીં એક મીનિબસ ટેક્સીમાં અમુક લોકો ગ્રુપમાં આવ્યા હતા અને બારમાં ગાર્ડ્સ પર ગોળીઓ વરસાવી હતી.
South Africa police say 14 killed in bar shooting in Johannesburg's Soweto township, reports AP
ગૌતેંગ પ્રાંતના પોલીસ અધિકારી ઈલયાસ માવેલાના જણાવ્યા અનુસાર ઘટનાસ્થળ પર મળેલા કારતૂસની સંખ્યાથી જાણવા મળે છે કે, ફાયરિંગની ઘટના એકથી વધારે થઈ હતી.
ગોળીબાર કરવા પાછળનું કારણ નથી જાણવા મળ્યું
પ્રાથમિક તપાસમાં સામે આવ્યું છે કે, આ લોકો એન્જોય કરી રહ્યા હતા, પોલીસ અધિકારીએ જણાવ્યું હતું કે, ત્યારે અચાનકથી લોકોએ ગોળીઓ ચાલવાનો અવાજ સાંભળ્યો. જે બાદ લોકોએ બારમાંથી ભાગવાની કોશિશ કરી હતી. અમારી પાસે આ અંગે વધુ વિગતો નથી આવી કે, તે સમયે આખરે ત્યાં શું થયું હતું. અમને નથી ખબર કે, ગોળીબાર કરવા પાછળનો શો ઉદ્દેશ્ય રહ્યો છે. અને શા માટે લોકોને ટાર્ગેટ કર્યા. પોલીસે જણાવ્યું હતું કે, આપ જોઈ શકો છો કે ઉચ્ચ ક્ષમતાવાળી એક બંદૂકનો ઉપયોગ કરવામાં આવ્યો હતો અને રેન્ડમ રીતે ગોળીઓ ચલાવામાં આવી છે. આપ જોઈ શકો છો કો, લોકોને બારમાંથી બહાર નિકાળવમાં પણ ભારે સંઘર્ષ કરવો પડે છે.
આપને જણાવી દઈએ કે, હજૂ ચાર દિવસ પહેલા જ દક્ષિણ આફ્રિકામાંથી સમાચાર આવ્યા હતા કે, અહીં એક નાઈટ ક્લબમાં 21 ટિનેજ લોકોના મોત થઈ ગયા હતા. રાષ્ટ્રપતિ સિરિલ રામફોસાએ આ મામલે કહ્યું હતું કે, તેમના મોત એક ગુનો છે.