સાઉથ ફિલ્મ ઈન્ડસ્ટ્રીના જણીતી એક્ટ્રેસ સંયુક્તા હેગડે અવારનવાર તેની તસવીરો અને વીડિયોને કારણે ચર્ચામાં રહે છે. હવે તે ફરી એકવાર ચર્ચામાં આવી ગઈ છે પરંતુ આ વખતે કારણ અલગ છે. હકીકતમાં, સંયુક્તા હેગડે સાથે પાર્કમાં ખરાબ વ્યવહાર કરવામાં આવ્યો છે.
એક્ટ્રેસ સંયુક્તા હેગડે સાથે કરાયો ખરાબ વ્યવહાર
ડ્રગ્સ સ્કેન્ડલમાં નામ આપવાની ધમકી આપી
પાર્ક બંધ થાય ત્યાં સુધી ઘેરી રાખી
પાર્કમાં એક્સરસાઈઝ કરવા ગઈ હતી સંયુક્તા
સંયુક્તા હેગડે શુક્રવારે પોતાના ફ્રેન્ડ્સ સાથે બેંગલુરુના એક પાર્કમાં એક્સરસાઈઝ કરવા ગઈ હતી. તે વર્કઆઉટ કરી રહી હતી અને એ દરમિયાન જ એક વૃદ્ધ મહિલાએ ત્યાં આવીને હોબાળો મચાવી દીધો અને તેની સાથે દુર્વ્યવહાર કરવા લાગી. સંયુક્તા હેગડે દ્વારા સાર્વજનિક સ્થળે સ્પોર્ટ્સ ડ્રેસ પહેરવાનો તે મહિલા વિરોધ કરવા લાગી.
મહિલાએ સંયુક્તા હેગડેને કહ્યું કે, આ પ્રકારના કપડાં પહેર્યા બાદ તારી સાથે કોઈ ઘટના બની જાય તો રડતી નહીં. જ્યારેમહિલા ઉપરાંત કેટલાક અન્ય લોકો પણ એક્ટ્રેસને ધમકી આપવા લાગ્યા કે, તેનું નામ ડ્રગ સ્કેન્ડલમાં આપી દો.
સંયુક્તા હેગડેનું કહેવું છે કે, આ લોકોએ તેને ત્યાં સુધી ઘેરીને રાખી જ્યાં સુધી પાર્ક બંધ ન થયો. એક્ટ્રેસે દાવો કર્યો છે કે, તે મહિલાએ તેના ફ્રેન્ડ્સ સાથે મારપીટ કરી અને આ બધું મૈં મારા કેમેરામાં કેદ કરી લીધું.