બોલિવૂડ ફિલ્મ 'જૂલી-2' અને ઘણી બધી સાઉથ ફિલ્મોમાં કામ કરી ચુકેલી એક્ટ્રેસ રાય લક્ષ્મીનો આજે 5 મેનાં રોજ જન્મ દિવસ છએ. બેંગલુરૂમાં તેનો જન્મ થયો અને તેણે કરિઅરની શરૂઆત મોડલિંગથી કરી જે બાદ તેણે તમિલ ફિલ્મ 'કારકા કસડારા'થી ડેબ્યૂ કર્યુ.
રાય લક્ષ્મીએ દાવો કર્યો હત કે તે, ''ઇન્ડિયન ક્રિકેટ ટીમનાં પૂર્વ કેપ્ટન મહેન્દ્ર સિંહ ધોની સાથે રિલેશનશિપમાં રહી ચુકી છે. લક્ષ્મીનાં મતે તેઓ વર્ષ 2008ની શરૂઆતમાં IPL સમયે એકબીજાને ડેટ કરતા હતાં.''
મહેન્દ્ર સિંહ ધોની સાથે બ્રેકઅપ બાદ રાય લક્ષ્મીએ કહ્યુ હતું કે, ''ધોનીથી અલગ થયા બાદ હું ત્રણ લોકોને ડેટ કરી ચૂકી છું. જોકે, હજુ સુધી મારું નામ મહેન્દ્ર સિંહ ધોની સાથે જ જોડાય છે. ધોની સાથેનો મારો સંબંધ એક ધબ્બા જેવો છે જે મારો પીછો નથી છોડતો.''
ધોની ઉપરાંત લક્ષ્મીનું નામ ક્રિકેટર અને બિગ બોસ કંટેસ્ટંટ શ્રીસંથ સાથે પણ જોડાયુ હતું. IPL દરમિયાન તેઓ સાથે ઘણી વખત જોવા મળ્યા હતાં. પણ રાય લક્ષ્મીએ શ્રીસંથ સાથેનાં સંબંધ સ્વિકાર્યા ન હતાં.