ગુડ ન્યૂઝ / જલ્દી જ ભારતને મળી શકે છે કોરોનાની ત્રીજી વેક્સીન, આ અસરકારક વેક્સિનને ભારતમાં બનાવવાની ચાલી રહી છે વાત

• જલ્દી જ ભારતને મળી શકે છે કોરોનાની ત્રીજી વેક્સીન
• મોર્ડનાને ભારતમાં બનાવવા માટે ચાલી રહી છે વાતચીત
• વેક્સિન ભારતમાં બનશે તો કિંમતમાં થશે ઘટાડો
   

દેશમાં કોરોનાની લડાઈ નિર્ણાયક પગલાં લેવા જઈ રહી છે. સરકારે 16 જાન્યુઆરીએ વેક્સીનેશન ડ્રાઈવ શરૂ કરવાની જાહેરાત કરી છે. આ માટેની તૈયારીઓ પણ શરૂ કરી દેવામાં આવી છે. દેશમાં અત્યારે 2 વેક્સિન કોવેક્સીન અને કોવિશિલ્ડને મંજૂરી મળી છે. બંનેનો ઉપયોગ ઈમરજન્સી યૂઝમાં કરી શકાય છે. આ સમયે આશા છે તે જલ્દી જ ભારતને મોર્ડનાની વેક્સિન પણ મળે.  સૂત્રો પાસેથી મળતી માહિતી અનુસાર હાલમાં મોર્ડનાની વેક્સિન ભારતમાં લાવવા માટે આઈએલએલની સાથે વાત ચાલી રહી છે. પરંતુ ફક્ત આ વાતની શક્યતા શોધાઈ રહી છે કે આવું થઈ શકે છે કે નહીં. આ ચર્ચા પ્રાથમિક ધોરણે છે.  

 
વેક્સિનની કિંમત પર થશે મોટી અસર

મોર્ડના અને ફાઈબર જેવી વેક્સિન જો કોઈ કંપનીના સહયોગથી ભારતમાં બને છે તો તેની કિંમતમાં ઘટાડો થઈ શકે છે. આ સાથે મોર્ડના એકમાત્ર કંપની નથી જેની સાથે આ બાબતો વાત ચાલી રહી છે. એવી અન્ય કંપનીઓ પણ છે. સૂત્રોનું કહેવું છે કે ભારતમાં  mRNA ટેક્નોલોજીની વેક્સિન બનાવવાનું સરળ છે. જો વાતચીત સફળ રહે છે તો આવનારા 2-3 મહિનામાં મોર્ડના વેક્સિનનું ઉત્પાદન ભારતમાં જ શરૂ કરી દેવાશે.  
 

ભારતમાં બીમારીની સ્થિતિ અન્ય દેશોથી અલગ

સૂત્રોનું કહેવું છે કે હાલના સમયમાં ફાઈઝર અને મોર્ડનાને ભારતમાં લાવવી અવ્યવહારિક છે. ભારતમાં બીમારીની સ્થિતિ અન્ય દેશો કરતાં અલગ છે. તેમાં સીએસઆઈઆરની ભૂમિકા ખાસ છે. આપણે અન્ય કંપનીઓ સાથે સંપર્ક નથી કરતા. તેની પાછળ કોઈ પણ ટેક્નોલોજી પર કામ કરવા તૈયાર છીએ. જો જરૂર પડશે તો સીસીએમબી તેમની પાછળની સાયન્સ સપોર્ટ આપવા તૈયારી કરશે. 

 યૂકેમાં મોર્ડનાને મળી ચૂકી છે મંજૂરી

બ્રિટનના નિયામક પ્રાધિકરણે શુક્રવારે કોરોનાની ત્રીજી વેક્સિનને મંજૂરી આપી છે. જેને મોર્ડના કંપનીએ વિકસિત કરી છે. જો કે તેને હજુ માર્કેટમાં પહોંચવામાં એક અઠવાડિયાનો સમય લાગી શકે છે. યૂકે સરકારે મોર્ડના કંપનીને 70,00,000 ડોઝ માટે પહેલાંથી ઓર્ડર આપી રાખ્યો છે. 
 

મળતી માહિતી અનુસાર 20 હજારથી વધારે લોકો પર મોર્ડનાનું પરીક્ષણ કરાયું હતું. જેમાં 95 ટકા સુધીનું પરિણામ સકારાત્મક રહ્યું હતુ. મોર્ડનાની વેક્સિન, ફાઈઝર અને બાયોએનટેકની વેક્સિનની જેમ જ કામ કરે છે. તેને -20 ડિગ્રી સેલ્સિયસ તાપમાન પર રાખાવમાં આવે છે.