અમદાવાદમાં વિશ્વનું સૌથી મોટું ક્રિકેટ સ્ટેડિયમ બની રહ્યું છે. આ સ્ટેડિયમનું ઉદ્દઘાટન 24 ફેબ્રુઆરીએ અમેરિકાના રાષ્ટ્રપતિ ડોનાલ્ડ ટ્રમ્પ વડે થવાનું છે જે સૌ જાણે છે. જો કે આ સમાચાર તદ્દન ખોટા છે એવા સમાચાર બહાર આવતા હોબાળો મચી ગયો છે.
ડોનાલ્ડ ટ્રમ્પ સ્ટેડિયમનું ઉદ્દઘાટન કરશે એવી કોઈ સત્તાવાર જાહેરાત થઇ નથી
સમયપત્રકમાં ક્યાંય ઉદ્દઘાટનનો ઉલ્લેખ નથી
મોટેરા સ્ટેડિયમમાં પ્રથમ પિન્ક બોલ ટેસ્ટ રમાશે
સરદાર વલ્લભભાઈ પટેલ ક્રિકેટ સ્ટેડિયમ તેની ભવ્યતા અને વિશાળ બાંધકામ માટે વિશ્વભરમાં સરાહના પ્રાપ્ત કરી રહ્યું છે. એક જાણીતા અંગ્રેજી અખબારને ટ્રમ્પની ભારતની મુલાકાતની વ્યવસ્થા કરતા દિલ્હીના એક સિનિયર બ્યુરોક્રેટ અધિકારીએ જણાવ્યું હતું કે US પ્રેસિડન્ટ ડોનાલ્ડ ટ્રમ્પ સ્ટેડિયમનું ઉદ્દઘાટન કરશે એવી કોઈ સત્તાવાર જાહેરાત થઇ નથી. આ ફક્ત એક ધારણા છે. આવી કોઈ એનાઉન્સમેન્ટ થઇ નથી.
આ ઉપરાંત BCCIના એક અધિકારીએ પણ સ્વીકાર્યું કે તે પણ એવી ધારણામાં હતા કે ટ્રમ્પ સ્ટેડિયમના ઉદ્દઘાટન માટે આવવાના છે. BCCI ભારતીય ક્રિકેટ ટીમને આમંત્રણ મળવાની રાહ જોઈ રહ્યું હતું.
દિલ્હીના આ સિનિયર બ્યુરોક્રેટ અધિકારીએ જણાવ્યું હતું એમ પણ જણાવ્યું હતું કે ટેક્સાસમાં હાઉડી મોદી કાર્યક્રમ જેવો કાર્યક્રમ અહીં યોજાશે તેવું શિડ્યુલ છે પણ આ સમયપત્રકમાં ક્યાંય ઉદ્દઘાટનનો ઉલ્લેખ નથી.
ભારતીય વડે થશે ઉદ્દઘાટન?
આ ઇવેન્ટમાં કોઈ ભારતીય ક્રિકેટરને આમંત્રણ નથી કારણ કે આ એક ક્રિકેટનો કાર્યક્રમ જ નથી એવું સૂત્રો વડે જાણવા મળ્યું છે. મોટેરા સ્ટેડિયમ એ દરેક ભારતીય માટે એક ગૌરવની બાબત છે તેથી ક્રિકેટ સ્ટેડિયમનું ઉદ્દઘાટન ભારતીય સેલિબ્રિટી વડે થશે તેવી અટકળો છે.
સ્ટેડિયમના ઉદ્દઘાટનનો પ્લાન કેમ પડતો મુકવામાં આવ્યો તે એક પ્રશ્ન છે. આ ફક્ત એક અફવા હતી એવું જાહેર કરીને એક PM ઓફિસના સત્તાવારે દાવો કર્યો છે કે મીડિયા આ પ્રકારના ખોટા સમાચાર ફેલાવા માટે જવાબદાર છે.
ઉદ્દઘાટન થાય એ નહિ એ જુદો પ્રશ્ન છે પણ મોટેરા સ્ટેડિયમ ભારતના નહિ વિશ્વના શ્રેષ્ઠ સ્ટેડિયમ તરીકે ઉપસી આવશે તે નક્કી છે. આ કોલોઝલ આકારના સ્ટેડિયમમાં ભવિષ્યમાં ક્રિકેટ જ નહિ પણ ફૂટબોલ, કબડ્ડી, હોકી, બાસ્કેટબોલ, બોક્સિંગ, લોન ટેનિસ, એથ્લેટિક ટ્રેક, બિલિયર્ડ્સ, સ્કવોશ, બેડમિન્ટન, સ્વિમિંગ જેવી રમતો પણ રમાડવામાં આવશે તેવી યોજના છે.
આ ગ્રાઉન્ડમાં સ્ટાફ માટે પણ તમામ સુવિધાઓ ઉપલબ્ધ છે. 1,10,000 ની તોતિંગ પ્રેક્ષકોની ક્ષમતાની સાથે સાથે ગ્રાઉન્ડમાં 4 વિશ્વ કક્ષાના ડ્રેસિંગ રૂમ બનાવાયા છે.
BCCI પ્રેસિડન્ટ સૌરવ ગાંગુલીએ પહેલીથી જ જાહેરાત કરી દીધી છે કે ભારત આગામી દિવસોમાં ઓસ્ટ્રેલિયા અને ઇંગ્લેન્ડ સામે પ્રથમ ડે નાઈટ ટેસ્ટ રમશે. આ માટે નવું બનેલું મોટેરા સ્ટેડિયમ નક્કી કરવામાં આવ્યું છે જ્યાં પ્રથમ પિન્ક બોલ ટેસ્ટ રમાશે. હાલ ટ્રમ્પની મુલાકાત પહેલા મોટેરા સ્ટેડિયમની આખરી ઓપ આપવામાં આવી રહ્યો છે.
વધુ લોકોને સમાવા સામે USAની સિક્રેટ સર્વિસે કર્યો વિરોધ
PM ઓફિસના સૂત્રએ જણાવ્યું હતું કે ટ્રમ્પ અને મોદી એક ખુલ્લા વાહનમાં ફરીને લોકોનું અભિવાદન ઝીલશે. જો કે આ સ્ટેડિયમમાં 1.25 લાખ લોકો સમાઈ શકે છે પણ ટ્રમ્પની સુરક્ષાને ધ્યાનમાં લઇને USAની સિક્રેટ સર્વિસે નક્કી કર્યું કે સ્ટેડિયમમાં 1.15 લાખથી વધુ લોકો નહિ હોય.