ક્રિકેટ / 7 વર્ષ બાદ દાદા ફરી ઉતરશે મેદાનમાં: સૌરવ ગાંગુલી ક્રિકેટના મેદાનમાં કરશે વાપસી, પોતે કર્યો ખુલાસો

• સૌરવ ગાંગુલી ફરી એકવાર ક્રિકેટના મેદાન ઉતરશે
• લગભગ 7 વર્ષ પછી મેદાનમાં રમતા જોવા મળશે 
• ખાસ ચેરીટી માટેની મેચ માટે તૈયારી કરી રહ્યા છે

ભારતના પૂર્વ કેપ્ટન અને હાલના બીસીસીઆઇ પ્રમુખ સૌરવ ગાંગુલી ફરી એકવાર ક્રિકેટના મેદાન પર વાપસી કરવા જઇ રહ્યા છે. દાદા લગભગ 7 વર્ષ પછી મેદાન પર શોટ લગાવતા જોવા મળશે. સૌરવ ગાંગુલી લિજેન્ડ્સ લીગ ક્રિકેટમાં ચેરિટી માટે ખાસ ક્રિકેટ મેચ રમવા જઈ રહ્યો છે. આ મેચ માટે દાદા પણ ઘણા કલાકો સુધી જીમમાં મહેનત કરી રહ્યા છે.

જીમમાં કરે છે તૈયારીઓ
સૌરવ ગાંગુલીએ શુક્રવારે ઇન્સ્ટાગ્રામ પર કેટલીક તસવીરો પોસ્ટ કરી હતી અને જાણકારી આપી હતી કે તે લિજેન્ડ્સ લીક થયેલા ક્રિકેટમાં રમતા જોવા મળશે. આ તસવીરોમાં ગાંગુલી જીમમાં એક્સરસાઈઝ કરતા નજરે પડે છે. ગાંગુલીએ પોસ્ટ કર્યું હતું કે, "તે સ્વતંત્રતાના અમૃત મહોત્સવ નિમિત્તે ચેરિટી ફંડ એકઠું કરવા માટે ક્રિકેટના મેદાન પર પરત ફરવા જઈ રહ્યો છે, જેના માટે તે ટ્રેનિંગનો આનંદ માણી રહ્યા છે અને ટૂંક સમયમાં જ તે લેજન્ડ્સ લીગ ક્રિકેટમાં રમતા જોવા મળશે."

 

 

 

 

View this post on Instagram

 

 

 

 

 

 

 

 

 

 

 

A post shared by SOURAV GANGULY (@souravganguly)

એલએલસીની આગામી સીઝન ભારતમાં યોજાશે 
હાલમાં જ લિજેન્ડ્સ લીગ ક્રિકેટએ આગામી સીઝન ભારતમાં યોજવાની જાહેરાત કરી હતી. એલએલસીના સીઇઓ અને કો-ફાઉન્ડર રહેમ રહેજાએ જણાવ્યું હતું કે, "અમે લેજન્ડરી સૌરવ ગાંગુલીને અન્ય લેજન્ડ્સ સાથે મેચ રમવા બદલ આભાર માનીએ છીએ. એક વારના લીજેન્ડ, દરેક વખતના લીજેન્ડ દાદા હમેશા ક્રિકેટ માટે છે. તેઓ એક ચેરીટી માટે મેચ રમશે. જે અમારા પ્રેક્ષકો માટે આનંદથી ભરપૂર હશે. અમે કેટલાક આઇકોનિક દાદાના શોટ્સ જોવાની રાહ જોઈ રહ્યા છીએ."

IPL માં છેલ્લે  પૂણે વોરિયર્સ માટે મેચ રમી હતી
છેલ્લે તેણે વર્ષ 2012માં આઇપીએલમાં પૂણે વોરિયર્સ માટે મેચ રમી હતી. જોકે, દાદાએ 2009માં આંતરરાષ્ટ્રીય ક્રિકેટમાંથી સંન્યાસ લઈ લીધો હતો. ગાંગુલી 5 વર્ષ સુધી ટીમ ઇન્ડિયાના કેપ્ટન હતા. 2003ના વર્લ્ડ કપમાં દાદાની આગેવાનીમાં ટીમ ઇન્ડિયા ફાઇનલમાં પહોંચી હતી. ગાંગુલીએ ભારત માટે 113 ટેસ્ટ અને 311 વન ડેમાં કુલ મળીને 18,575 રન ફટકાર્યા છે. તેમની કેપ્ટનશિપમાં ભારતે 195 માંથી 97 મેચ જીતી હતી, ગાંગુલીએ 1996માં ઇંગ્લેન્ડ સામે ટેસ્ટ ડેબ્યૂ કર્યું હતું અને પ્રથમ મેચમાં લોર્ડ્સ ખાતે સદી ફટકારી હતી.ત્યાર પછી તેઓ ડોમેસ્ટિક સિરીઝમાં રમી ચુક્યા છે. આખરે તેણે નવેમ્બર 2015 માં ક્રિકેટ ઓલ સ્ટાર સિરીઝમાં ભાગ લીધો હતો.