IPLIN
 
  • Home
  • India
  • Sourav Ganguly, Jay Shah Can Have BCCI Term 3 After Supreme Court Order

કુલિંગ પીરિયડ / BCCIમાં સૌરવ ગાંગુલી અધ્યક્ષ અને જય શાહ સેક્રેટરી તરીકે ચાલુ રહેશે- સુપ્રીમ કોર્ટનો મોટો ચુકાદો

Team VTV 05:12 PM, 14 Sep 22 | Updated: 06:09 PM, 14 Sep 22
Follow us
Sourav Ganguly, Jay Shah Can Have BCCI Term 3 After Supreme Court Order

સુપ્રીમ કોર્ટે બીસીસીઆઈને મોટી રાહત આપતા તેના બંધારણમાં મૂળ હાર્દને યથાસ્વરુપ જાળવીને સુધારા-વધારા કરવાની મંજૂરી આપતા હવે સૌરવ ગાંગુલી અને જય શાહનો કાર્યકાળ વધી જશે.

  • સુપ્રીમે બીસીસીઆઈને બંધારણ સુધારાની આપી મંજૂરી 
  • સૌરવ ગાંગુલી અને જય શાહનો કાર્યકાળ 3 વર્ષ વધી જશે
  • બંધારણ સુધારા પરની બીસીસીઆઈની અરજી પર સુપ્રીમનો ચુકાદો 

સુપ્રીમ કોર્ટે બીસીસીઆઈને તેના બંધારણમાં સુધારો કરવાની મંજૂરી આપી હોવાથી હવેથી અધ્યક્ષ ગાંગુલી અને સેક્રેટરી પદ જય શાહનો કાર્યકાળ 3 વર્ષ સુધી વધી જશે.   બીસીસીઆઈના પ્રેસિડન્ટ, સેક્રેટરી અને બીજા હોદ્દેદારોના કાર્યકાળ વધારા માટે નિયમોમાં ફેરફાર કરવા સંબંધિત એક અરજી પર સુનાવણી બાદ સુપ્રીમ કોર્ટે આ ચુકાદો જાહેર કર્યો હતો જોકે સુપ્રીમ કોર્ટે બીસીસીઆઈએને એવો પણ આદેશ આપ્યો કે બંધારણમાં સુધારા વધારા વખતે તેનો મૂળ હાર્દ યથાવત રહે તેની કાળજી રાખવી પડશે. સુપ્રીમના ચુકાદા બાદ હવે અધ્યક્ષ પદે ગાંગુલી અને સેક્રેટરી પદ જય શાહનો કાર્યકાળ 3 વર્ષ સુધી વધી શકે છે. 

સુપ્રીમના ચુકાદા બાદ બીસીસીઆઈમાં 3 વર્ષનો કુલિંગ પીરિયડ હશે
ગાંગુલી અને શાહ બન્નેનો પહેલો કાર્યકાળ ચાલુ મહિનાની શરુઆતમાં બીસીસીઆઈના બંધારણમાં કુલિંગ ઓફ પીરિયડ ક્લોઝને કારણે પૂરો થઈ ગયો હતો. પરંતુ સુપ્રીમે તેમનો બન્નેનો કાર્યકાળ વધારવાની મંજૂરી આપી છે. સુપ્રીમ કોર્ટનો આ ચુકાદા બાદ  બીસીસીઆઈમાં સતત બે વાર એટલે કે 6 વર્ષ સુધી હોદ્દા પર ટકી રહેવા પર 3 વર્ષનો કુલિંગ પીરિયડ હશે. હવે હોદ્દેદારો પાસે બીસીસીઆઈ અને કોઈ પણ રાજ્ય એસોસિએશનમાં એક વખતે વધારેમાં વધારે 12 વર્ષનો કાર્યકાળ હોઈ શકે. 

બીસીસીઆઈની કુલિંગ પીરિયડની જોગવાઈ સ્વીકારાઈ 
બીસીસીઆઇ તરફથી હાજર રહેલા સોલિસિટર જનરલ તુષાર મહેતાએ જસ્ટિસ ડીવાય ચંદ્રચૂડ અને હિમા કોહલીની બેન્ચ સમક્ષ દલીલ કરી હતી કે, "હાલના બંધારણમાં  કુલિંગ પીરિયડની જોગવાઈ છે. જો હું એક ટર્મ માટે સ્ટેટ ક્રિકેટ એસોસિએશન અને સતત બીજી ટર્મ માટે બીસીસીઆઇનો હોદ્દો ધરાવતો હોઉં તો મારે કૂલિંગ ઓફ પિરિયડમાંથી પસાર થવું પડશે. બંને સંસ્થાઓ અલગ અલગ છે અને તેમના નિયમો પણ અલગ છે અને પદાધિકારીની સતત બે ટર્મ તળિયાના સ્તરે નેતૃત્વ બનાવવા માટે ખૂબ જ ટૂંકી છે.

બીસીસીઆઈના બંધારણમાંશું ફેરફાર કરાયા 

  • બીસીસીઆઈ અને સ્ટેટ એસોસિએશનનું અલગ અલગ બંધારણ છે પરંતુ હિત એક જ છે એટલે કે ક્રિકેટ
  • ત્રણ વર્ષનો કૂલિંગ ઓફ પિરિયડ ત્યારે જ શરૂ થવો જોઈએ જ્યારે બીસીસીઆઈના પ્રમુખ અને સેક્રેટરી બે ટર્મ (3+3 વર્ષ) પૂર્ણ કરે.
  • રાજ્ય એસોસિએશનોમાં કાર્યકાળની ગણતરી થવી જોઈએ નહીં
  • ર્યકાળની ગણતરી માત્ર બીસીસીઆઈમાં જ થવી જોઈએ
BCCI in supreme court BCCI constitution change Sourav Ganguly Jay Shah બીસીસીઆઈ ઈન સુપ્રીમ સૌરવ ગાંગુલી જય શાહ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ