અમદાવાદ / ટ્રમ્પ-મોદીના રવાના થતાં જ ગાંગુલી અને અમિત શાહે મોટેરા સ્ટેડિયમમાં જુઓ શું કર્યુ

• વિશ્વનું સૌથી મોટું સ્ટેડિયમ
• અમિત શાહે નિહાળી ગેલેરી
• BCCIના હોદ્દેદ્દારો સાથે કર્યું નિરીક્ષણ

નમસ્તે કાર્યક્રમની પૂર્ણાહુતિ બાદ ટ્રમ્પ પરિવાર આગ્રા જવા નિકળી ગયો હતો. ત્યારે અમદાવાદ આવેલા ગૃહમંત્રી અમિત શાહ, BCCI ચેરમેન સૌરવ ગાંગુલી, સેક્રેટરી જય શાહ સહિતના BCCIના હોદ્દેદારો સાથે સ્ટેડિયમનું નિરીક્ષણ કર્યું હતું. અમિત શાહે સ્ટેડિયમની ગેલેરી નિહાળી હતી. આ દરમિયાન ભાજપ નેતા શંકર ચૌધરી સહિતના નેતાઓ હાજર રહ્યા હતા. મહત્વનું છે કે અમિત શાહ ગુજરાત ક્રિકેટ એસોસિએશનના પ્રમુખ રહી ચૂક્યા છે.

અત્રે ઉલ્લેખનીય છે કે, અમેરિકન રાષ્ટ્રપતિ ડોનાલ્ડ ટ્રમ્પ પોતાના બે દિવસના ભારત પ્રવાસે આવ્યા છે. તેમણે સોમવાર સવારે અમદાવાદની મુલાકાત લીધી હતી. પીએમ મોદીએ અહીં એરપોર્ટ પર ડોનાલ્ડ ટ્રમ્પનું ગળે લગાવીને શાહી સ્વાગત કર્યું હતું. ટ્રમ્પની સાથે તેમના પત્ની મેલેનિયા ટ્રમ્પ પણ અમદાવાદ પહોંચ્યા હતા. એરપોર્ટથી તેઓ સાબરમતી આશ્રમની મુલાકાત લીધી હતી. જ્યાંથી તેઓ મોટેરા સ્ટેડિયમ નમસ્તે ટ્રમ્પ કાર્યક્રમમાં ઉપસ્થિત રહ્યા હતા. ટ્રમ્પ અને પીએમ મોદીનો 22 કિમી. લાંબો રોડ શો યોજાયો હતો. હાલ ટ્રમ્પ આગ્રાની મુલાકાતે છે.