વિદેશ યાત્રા પર જનારા ભારતીયો જલ્દી બીજા દેશોનાં સામાન ખરીદવા અથવો તો કોઇ સર્વિસ માટે યૂનિફાઇડ પેમેન્ટ્સ ઇન્ટરફેસ (UPI) ની મદદથી પેમેન્ટ કરી શકશે. આ અંગે આ સેવાથી જાણીતા સૂત્રોએ જાણકારી આપી છે.
નેશનલ પેમેન્ટ કોર્પોરેશન ઓફ ઈન્ડિયા (NPCI)એ તેના પર કામ શરૂ કરી દીધું છે અને આગામી છ મહિનામાં આ સર્વિસ સિંગાપુર અને ‘સંયુક્ત અરબ અમીરાત’(UAE)માં શરૂ થઈ જશે. મીડિયા રિપોર્ટમાં જણાવ્યા પ્રમાણે, સંયુક્ત અરબ અમીરાત અને સિંગાપુરમાં પહેલાથી જ રૂપે કાર્ડ (RuPay Card)ની શરૂઆત થઈ ગઈ છે. અત્યારે અહીં UPI પર કામ ચાલી રહ્યું છે. હવે આ દેશોમાં મુસાફરી કરવા અથવા રહેતા લોકો ‘UPI’થી પેમેન્ટ કરી શકશે.
NPCI એ એક ગ્લોબલ પેમેન્ટ પ્રોડ્કટ તૈયાર કરવાની યોજના કરી છે, જેમાં UPI ના દાયરા વધારવાની વાત કરવામાં આવી છે. પેમેન્ટની મદદથી ડેબિટ અને ક્રેડિટ કાર્ડને કોમ્પિટિશન મળશે. દેશના મોટાભાગના વેપારીઓ UPI નો ઉપયોગ કરી રહ્યા છે. NPCI અનુસાર, સપ્ટેમ્બરમાં લગભગ 95.5 કરોડ UPI ટ્રાન્ઝેક્શન કરવામાં આવ્યા હતા. સૂત્રોનુસાર, હવે જો ભારતીય યાત્રીઓ વિદેશોમાં UPI નો વિકલ્પ પસંદ કરશે, તો દેશમાં તેણે ચલણ વધી જશે.
શું છે UPI?
UPI એટલે કે યૂનિફાઈડ પેમેન્ટ્સ ઈન્ટરફેસ એક ઈન્ટર બેંક ફંડ ટ્રાંસફરની સુવિધા છે, જેના દ્વારા સ્માર્ટફોન પર ફોન નંબર અને વર્ચુઅલ આઈડીની મદદથી પેમેન્ટ કરી શકાય છે. અત્યારે ભારતમાં સૌથી પોપ્યુલર પેમેન્ટ સર્વિસ જેવી ગૂગલ પે, પેટીએમ અને ફોનપે UPI સુવિધા આપી રહ્યા છે.