ટેકનોલોજીની દુનિયામાં નામ ધરાવતી કંપની સોનીએ કાર લોન્ચ કરીને બધાને અચંભામાં મૂકી દીધા છે. લાસ વેગાસમાં કંપનીએ ઈલેક્ટ્રોનિક કાર લોન્ચ કરીને કાર ઇન્ડસ્ટ્રીમાં એન્ટ્રી મારી છે. કંપનીએ કાર લોન્ચની સાથે ઘણા ફીચર્સ પણ જાહેર કર્યા છે.
કારની ટોપ સ્પીડ 240 કિમી/કલાક
કાર માત્ર 4.8 સેકંડમાં 100 કિમી પ્રતિ કલાકની ઝડપ મેળવી શકે
કારમાં લાગેલા છે 33 સેન્સર્સ
ઓટોમોબાઈલ સેકટરમાં વધશે હરીફાઈ
ઈલેક્ટ્રોનિક ડીવાઈસ અને સ્માર્ટફોન બનાવતી કંપનીએ લાસ વેગાસમાં ચાલી રહેલા કન્ઝ્યુમર ઈલેક્ટ્રોનિક શોમાં પોતાની પહેલી ઈલેક્ટ્રોનિક કાર Vision-S લોન્ચ કરીને ભારતનાં કાર નિર્માતાઓને ચિંતામાં મૂકી દીધા છે. સોનીએ કાર ઇન્ડસ્ટ્રીમાં પગલાં ભરીને સાબિત કરી દીધું છે કે હવે ઓટોમોબાઈલ સેક્ટરમાં હરીફાઈ વધવાની છે.
અત્યાર સુધી આ કંપની મોબાઈલ ફોન, ઈલેક્ટ્રોનિક સાધનો, કેમેરા વગેરે બનાવતી હતી હવે કંપનીએ ઈલેક્ટ્રોનિક કાર પણ લોન્ચ કરી દીધી છે. આ કારમાં ૩૩ ભિન્ન ભિન્ન સેન્સર લાગેલા છે. કારમાં મલ્ટીપલ વાઈડ સ્ક્રીન, 360 ઓડિયો, કનેક્ટિવિટી જેવા ફીચર્સ આપવામાં આવેલા છે.
આ કારથી સંકળાયેલી અમુક જાણકારીઓ કંપનીઓ દ્વારા જાહેર કરવામાં આવેલ છે. કારમાં બ્લેકબેરી જેવા ડીવાઈસ આપવામાં આવેલ છે. કંપનીએ કારમાં 272 હોર્સ પાવરનાં ઇલેક્ટ્રિક મોટરનો પ્રયોગ કરવામાં આવેલ છે. મોટર શાનદાર આઉટપુટ પ્રદાન કરે છે. આ કાર માત્ર 4.8 સેકંડમાં 100 કિમી પ્રતિ કલાકની ઝડપ મેળવી શકે છે. કારની ટોપ સ્પીડ 240 કિમી/કલાક છે.