હાલમાં જ 'ક્રાઈમ પેટ્રોલ'માં એક એપિસોડ બતાવવામાં આવ્યો હતો, જેની સ્ટોરી શ્રદ્ધા વોકર મર્ડર કેસ જેવી હતી. આમાં શ્રદ્ધાનું પાત્ર એક ખ્રિસ્તી છોકરી એના અને આફતાબને હિંદુ છોકરા મિહિરનું પાત્ર બતાવવામાં આવ્યું હતું. જ્યારે વિવાદ થયો હતો, ત્યારે હવે સોનીએ એપિસોડ હટાવી દીધો છે અને માફી માંગી છે.
ક્રાઈમ પેટ્રોલમાં બતાવવામાં આવ્યો એપિસોડ
બતાવવામાં આવ્યો શ્રદ્ધા વોકર મર્ડર કેસ જેવો કેસ
સોનીએ એપિસોડ હટાવી માંગી માફી
હાલમાં જ સોની ટીવીએ તેના શો 'ક્રાઈમ પેટ્રોલ'માં એક એપિસોડ બતાવ્યો હતો. જેને જોઈને યુઝર્સ ભડકી ઉઠ્યા હતા. વિવાદ એટલો વધી ગયો છે કે હવે સોની ચેનલે એ એપિસોડ ડિલિટ કરીને માફી માંગવી પડી છે.
આ એપિસોડમાં એવું બતાવવામાં આવ્યું હતું કે એક યુવક ગુસ્સામાં તેના પાર્ટનરને મારી નાખે છે અને પછી તેના શરીરના ટુકડા કરી નાખે છે અને તેને ફ્રીજમાં સ્ટોર કરે છે. આ પછી તે ફ્રિજમાંથી વાઈન કાઢીને પીવે છે. આ એપિસોડ જોયા પછી દર્શકોએ દાવો કર્યો કે વાર્તા દિલ્હીમાં શ્રદ્ધા વોકર હત્યા કેસ સાથે મેળખાતો છે.
શ્રદ્ધા હત્યા કેસમાં પોલીસ કરી રહી છે તપાસ
પોલીસ હાલમાં શ્રદ્ધા હત્યા કેસની તપાસ કરી રહી છે અને જ્યારે લોકોએ ક્રાઈમ પેટ્રોલમાં આ કેસ જેવો જ એક એપિસોડ જોયો ત્યારે તેઓ ઉશ્કેરાઈ ગયા. દર્શકોએ કહ્યું કે મેકર્સે શ્રદ્ધા મર્ડર કેસની સ્ટોરી અને ફેક્ટરને તોડી-મરોડી બતાવ્યા અને નામ પણ બદલ્યા.
આ પછી વિવાદાસ્પદ એપિસોડની ક્લિપ્સ ટ્વિટર પર વાયરલ થવા લાગી. લોકોએ સોની ચેનલનો બહિષ્કાર કરવાની માંગણી શરૂ કરી કે તે હિન્દુઓને બદનામ કરી રહી છે.
સોનીએ એપિસોડ ડિલિટ કરી માંગી માફી
દર્શકોના ઉગ્ર વિરોધ બાદ હવે સોની ચેનલે માફી માંગતું નિવેદન બહાર પાડ્યું છે અને વિવાદાસ્પદ એપિસોડ પણ હટાવી દીધો છે. મહત્વનું છે કે શ્રદ્ધાની હત્યા કર્યા બાદ તેના પાર્ટનર આફતાબે તેના ટુકડા કરી ફ્રિજમાં રાખ્યા હતા અને પછી અલગ-અલગ જગ્યાએ તે ટુકડાઓ ફેંકી દીધા હતા. હાલ આફતાબ જેલમાં છે અને પોલીસની તપાસ અને પૂછપરછ ચાલી રહી છે.
Please let us know the 2011 incident where a "Hindu" boy killed and chopped a "Christian" girl who had a good "Muslim" friend. Also do share which app/platform was used by the "Hindu" boy in 2011 to order food delivery after chopping up the girl.#SonyLIV#SonyTV#CrimePatrolpic.twitter.com/p8cQbF0904
સોની ચેનલે માંગી માફી
માફી માંગતા સોની ચેનલે તેના ટ્વિટર હેન્ડલ પર લખ્યું, 'કેટલાક દર્શકોએ 'ક્રાઈમ પેટ્રોલ'ના તાજેતરના એપિસોડ પર કમેન્ટ કરી કે તેની વાર્તા હાલની ઘટના જેવી લાગે છે. પરંતુ અમે જણાવવા માંગીએ છીએ કે આ વાર્તા સંપૂર્ણપણે કાલ્પનિક છે અને તે 2011માં બનેલા એક હત્યા કેસ પરથી પ્રેરિત છે.
આ વાર્તા અથવા એપિસોડનો તાજેતરની કોઈપણ ઘટના સાથે કોઈ સંબંધ નથી. અમે પૂરી કાળજી રાખીએ છીએ કે અમારી ચેનલ પર આપવામાં આવતી સામગ્રી અથવા કન્ટેન્ટ બ્રોડકાસ્ટિંગના માપદંડ અને નિયમો અનુસાર હોય.
પરંતુ આ કિસ્સામાં અમે દર્શકોની ભાવનાઓને ધ્યાનમાં રાખીને એપિસોડ હટાવી દીધો છે. જો આ એપિસોડના ટેલિકાસ્ટથી અમારા દર્શકોની ભાવનાઓને ઠેસ પહોંચી હોય તો અમે માફી માંગીએ છીએ.
આફતાબને હિંદુ અને શ્રદ્ધાને ખ્રિસ્તી દર્શાવવામાં આવતા મચ્યો હોબાળો
'ક્રાઈમ પેટ્રોલ'ના એપિસોડમાં જેને શ્રદ્ધા વોકર મર્ડર કેસ તરીકે વર્ણવવામાં આવી રહ્યા છે તેમાં શ્રદ્ધાને ખ્રિસ્તી છોકરી એના ફર્નાન્ડિસ અને આફતાબ પૂનાવાલાને હિન્દુ છોકરા મિહિરની ભૂમિકામાં બતાવવામાં આવી હતી. એપિસોડમાં બતાવવામાં આવ્યું હતું કે બંને મંદિરમાં લગ્ન કરે છે.
એપિસોડની આખી વાર્તા અને વાક્યો બિલકુલ શ્રધ્ધા વોકર મર્ડર કેસ જેવા હતા, ફક્ત આ બે ફેરફાર જોવા મળ્યા. જેને જોઈને લોકો ઉશ્કેરાઈ ગયા અને ચેનલ અને મેકર્સ વિરૂદ્ધ કમેન્ટ્સ કરવા લાગ્યા. દર્શકોએ કહ્યું કે નિર્માતાઓએ એપિસોડની વાર્તા શ્રદ્ધા હત્યા કેસમાંથી લીધી છે અને માત્ર પાત્રોના નામ બદલ્યા છે.