બોલીવૂડ / 'કોરોના માટે આપણે ક્યારેય તૈયાર નહોતા, ભૂલ માની લેવી જોઇએ' : સોનુ સૂદ 

• સોનુ સૂદે આપ્યુ સ્ટેટમેન્ટ 
• કોરોના માટે ભારત તૈયાર નહોતુ 
• ભૂલ થઇ છે તે માની લેવી જોઇએ

રાજ્યોને ઓક્સિજન પ્લાન્ટ ઉપલબ્ધ કરાવવાની તૈયારી 
એક ન્યૂઝ પોર્ટ સાથે વાત કરતા સોનુએ જણાવ્યું કે 20 દિવસ બાદ તે ઓક્સિજન પ્લાન્ટ લગાવનાર કંપનીઓ સાથે વાત કરશે અને જલ્દી જ ઓક્સિજન પ્લાન્ટનો સેટ અપ મળી જશે. સોનૂ સુદે ફ્રાંસ જેવા દેશોમાં આ ઓક્સિજન પ્લાન્ટને લઇને દિલ્હી, પંજાબ, મહારાષ્ટ્ર અને ઉત્તર પ્રદેશ જેવા રાજ્યોને ઉપલબ્ધ કરાવશે.

ગામ સુધી પહોંચશે સોનુની ટીમ 
સોનુએ કહ્યું કે, આ તૈયારી ત્રીજી લહેર માટે છે. એક્ટરે જણાવ્યું કે તેમણે પોતાની ટીમમાં લોકોનો વધારો કર્યો છે જેથી ગ્રામીણ એરિયામાં લોકો સુધી તે મદદ પહોંચાડી શકે. સોનીએ કહ્યું કે સરકાર તેનું કામ કરી રહી છે પરંતુ તેમને લાગે છે તે હજુ ત્રીજી લહેર આવે ત્યાં સુધી આ તૈયારીઓ થઇ જવી જોઇએ. 

આપણે ક્યારેય તૈયાર નહોતા 
કોરોના વાયરસની બીજી લહેરથી ભારત ખરાબ રીતે સંક્રમિત થયુ છે ત્યારે સોનુએ કહ્યું કે આપણી જીડીપી માત્ર 1-2 ટકા જ સ્વાસ્થ્ય વ્યવસ્થા પર ખર્ચ કરવામાં આવે છે. આપણે જાણીએ છીએ કે ભારત એક વધુ આબાદીવાળો દેશ છે પણ આ કોઇ બહાનુ નથી આપણે તૈયાર નહોતા તે માની લેવું જોઇએ. આપણે તે માની લેવુ જોઇએ કે આપણાથી ભૂલ થઇ છે. 

સોશ્યલ મિડીયા પર મદદ માંગતા લોકોને સોનૂ માત્ર જવાબ જ નથી આપતા પરંતુ તેમની મદદ પણ કરે છે. સોનુ ઓક્સિજન સિલિન્ડરથી લઇને બેડ સુધી બધી જ મદદ કરી રહ્યાં છે. તેવામાં સોનુએ નિવેદન આપ્યુ છે કે એટલી મદદની રિકવેસ્ટ આવી રહી છે કે બધા પાસે પહોંચવુ અઘરુ બન્યુ છે. 

સોનુએ કરી ટ્વિટ 
અભિનેતાએ હાલમાં જ એક ટ્વિટ કરી કે તેમને એક દિવસમાં એટલી રિકવેસ્ટ આવે છે કે બધા પાસે મદદ પહોંચાડવી અઘરી બની છે. એક એક સુધી પહોંચવાનો પ્રયત્ન કરીશુ તો કેટલા વર્ષ લાગશે તે પણ ખબર નથી. 

Yesterday I got close to 41660 requests
We try our best to reach out to all.
Which we can't..
If I try to reach out to everyone it will take me 14 years to do that.
That means it will be 2035 🇮🇳🙏

— sonu sood (@SonuSood) May 9, 2021

સોનૂએ પોતાની ટ્વિટમાં કહ્યું કે કાલે મને લગભગ 41660 અપીલ મળી હતી. અમે અમારા તરફથી પહોંચવાનો પ્રયત્ન કરી રહ્યા છીએ પરંતુ તે શક્ય નથી બની રહ્યું. જો હું બધા સુધી પહોંચવાનો પ્રયત્ન કરુ તો મને લગભગ 14 વર્ષ લાગી જશે માટે આ બધી અપીલ પર હું 2035 સુધી મદદ પહોંચાડી શકીશ.